Шымкент қаласында 266 814 азаматқа атаулы әлеуметтік көмек тағайындалған деп хабарлайды Күнгей.кз ақпарат агенттігі. Елімізде жарияланған төтенше жағдай режимі кезіндеде тұрғындарды әлеуметтік қамсыздандыру бағытындағы жұмыстар үздіксіз жүргізіліп жатыр. Азаматтардан онлайн өтінімдер қабылдануда.
2020 жылғы 28 сәуір, сағат 9-дағы мәлімет бойынша Шымкент қаласынан төтенше жағдай кезеңінде әлеуметтік төлемді алу үшін арнайы портал, сайттардан 534 493 адамнан өтініш түскен.
Оның ішінде 266 814 адамға әлеуметтік төлем тағайындалған болса, 263 166 азаматтың өтініші бойынша оларға әлеуметтік төлем тағайындалмайтындығы анықталып, кері қайтарылған.
Жалпы әлеуметтік төлем алатын 266 814 азаматтың ішінде 254 032 өтініштер бойынша, ал, 12 782-іне проактивті (атаулы әлеуметтік алушылар және бірыңғай жиынтық төлем жасаған азаматтар) түрде тағайындалды. Бүгінге дейін 263 472 азаматқа 42500 теңгеден әлеуметтік көмек карталарына аударылған.
Айта кетейік, кері қайтарылып, көмек тағайындалмаған өтініштер – бірнеше рет қайталанған, жұмыс істейтін азаматтардан, зейнеткерлерден, қайтыс болған азаматтар атынан түскен.
Шымкент қаласы төтенше жағдай жөніндегі штабы
Пікір қалдыру