Түркістанда жазғы ашық алаң ойындары жалғасуда. Тамыз айының кезекті жарыс күні Отырар мөлтек ауданындағы ашық алаңдарда өтті.
300-ге тарта сектор тұрғыны қатысқан жарыста секіргішпен секіру, ләңгі тебу және белтемірге тартылу мен асық атудан үздіктер анықталды.
Жарыс жеңімпаздары маусымның қорытынды шарасына жолдама алып, ерекше ойын көрсеткендерге сыйлықтар мен алғыс хаттар табысталды.
шараның кезекті жарыс күнінде жас спортшылар қазақтың ұлттық ойындары, дойбы, ләңгі тебу, белтемірге тартылу, секіргішпен секіру, шахмат сияқты спорт түрлерінен жарысқа түсті. Ойын соңында жеңімпаздар мен жүлдегерлерге демеушілер тарапынан сыйлықтар беріліп, алғыс хаттар мен медальдар табысталды.
Қала тазалығына жанашырлықпен қарау – азаматтық борышым деп білген халықаралық дәрежедегі спорт шебері, түркістандық дзюдошы Дидар Хамза да тазарту күніне белсенді атсалысып, жасөспірімдерге үлгі бола білді.
Сонымен қатар, спорттық ойындар тұрғындарға арналған концерттік бағдарламаға ұласты. Жиналған қауымға қалалық мәдениет үйінің қызметкерлері өнер көрсетіп, ерекше көңіл-күй сыйлады. «Түркістан» әні Яссы халықтық этнофольклорлық ансамблінің сүйемелдеуімен орындалып, көрермен қошеметіне бөленді.
Айта кетейік жыл сайын дәстүрлі өтетін жазғы ашық алаң ойындарының алғашқы апталығы кестесін алдын ала әлеуметті кжелі арқылы жариялаған болатын.
Пікір қалдыру