Шымкент қаласында биылғы жылы «Жасыл ел» жастар еңбек жасағының ХХ-шы маусымы өз мәресіне жетті. Бұл жоба жастарды еңбекке баулып, табиғатты қорғауға, қоршаған ортаны жақсартуға атсалысуға бағытталған бірегей бастама болып табылады. 2005 жылдан бері ұйымдастырылып келе жатқан жобаның негізгі мақсаты — студент жастарды еңбекке тарту, оларға экологиялық тәрбие беру және жастарды жұмыспен қамту.
«Жасыл ел» еңбек жасағының маусымы Шымкент қаласының ішкі саясат және жастар істері жөніндегі басқармасының қолдауымен және «Алтын Орда» қоғамдық бірлестігінің ұйымдастыруымен өткен салтанатты шарамен жабылды. Бұл іс-шараға қаладағы белсенді жастар, «Жасыл ел» жасағының мүшелері, сондай-ақ қала басшылығы қатысты. Салтанатты жабылу шарасы концерттік бағдарламаға ұласып, жастардың еңбекке деген қызығушылығы мен белсенділігін тағы да бір көрсеткендей болды.
Шымкент қаласының ішкі саясат және жастар істері жөніндегі басқармасының басшысы орынбасары Заңғарбек Усупахметов өз сөзінде жастардың еңбекке деген құлшынысын, тазалық жұмыстарына қосқан үлестерін атап өтті және белсенді жас қатысушыларды алғыс хатпен марапаттады. Ол сондай-ақ «Жасыл ел» еңбек жасағының жастар үшін қаншалықты маңызды екенін айтып, осы бағдарлама арқылы жастардың жұмыссыздық мәселесі шешілетінін, олардың еңбекке деген жауапкершіліктері мен қоғамға деген үлестерінің артатынын атап өтті.
Бұл маусымда «Жасыл ел» еңбек жасағына 1300-ден астам жас тартылды. Олар Шымкент қаласының экологиялық ахуалын жақсарту мақсатында әр түрлі абаттандыру және көгалдандыру жұмыстарын атқарды. Жастардың белсенді қатысуымен қаланың саябақтары мен көше бойлары тазартылып, жасыл желек өсіріліп, қоғамдық орындар мен әлеуметтік мекемелердің айналасы абаттандырылды. Жасақтар күн сайын төрт сағаттық жұмыс күнінде нәтижелі жұмыстар жасап, қаланың экологиялық жағдайын жақсартуға зор үлес қосты.
Еңбек сарбаздары тек тазалық жұмыстарымен шектелмей, қалалық деңгейде өтетін іс-шараларға қатысып, түрлі сала өкілдерімен кездесулерге де барып, тәжірибе жинақтады. Олардың арасында жаңа келген жастармен қатар, бірнеше жыл бойы еңбек етіп жүрген жасақ мүшелері де бар. Бұл бағдарлама жастардың жұмыс тәжірибесін арттырып, өздерінің жауапкершіліктерін сезінуге, командалық жұмысқа бейімделуге ықпал етеді.
«Жасыл ел» жобасы тек табиғатты қорғауға ғана емес, жастарды еңбекке баулуға және әлеуметтік мәселелерді шешуге бағытталған маңызды бастама. Жоба 16 жастан асқан мектеп оқушылары, колледж студенттері және жоғары оқу орнының студенттерін жұмысқа тартады. Биылғы маусымда жасақтарға 1313 жас қатысып, арнайы «Жасыл ел» формаларымен қамтамасыз етілді. Бұл жастар көгалдандыру, абаттандыру жұмыстарымен қатар, түрлі әлеуметтік қызметтер мен қайырымдылық шараларына да қатысуда.
Таза Қазақстанды құруда жастардың рөлі өте маңызды. Жастар тек көгалдандыру мен абаттандыру жұмыстарымен ғана шектелмей, тазалық жұмыстарына да белсене қатысып, қоршаған ортаға деген жауапкершіліктерін сезінеді. Бұл шаралардың экологиялық тәрбие беру және жастардың еңбекке қатысуын арттыру мақсатында үлкен маңызы бар.
Маусым бойы Шымкентте 5 ауданға бөлінген жасақтар қаланың әр түкпірінде тиімді жұмыстар атқарды. Саябақтар мен қоғамдық орындарды тазарту, ардагерлер үйіне көмек көрсету, әлеуметтік мекемелердің айналасын жинау сияқты жұмыстар жасақтың негізгі міндеттерінің бірі болды. Сондай-ақ, жасақ мүшелері қалалық іс-шараларға қатысып, мәдени және қоғамдық өмірге белсенді араласты.
«Жасыл ел» еңбек жасағының мүшесі Заңғар Орынбай 2 жылдан бері осы жобаға қатысып келеді. Ол тазалық жұмыстарына қатысудан бөлек, жастардың экологиялық мәдениетін қалыптастыруда да үлкен рөл атқаратынын айтады: «Біз тек қала тазалығына ғана емес, жалпы экологиялық мәселелерге де назар аударамыз. Бұл бағдарлама арқылы жастар табиғатты қорғау қажеттігін түсініп, өздері де таза ортада өмір сүруге ұмтылады. Біз тазалық жұмыстарынан басқа, қалалық іс-шараларда, жастармен кездесулерде де белсенді болдық. Жасыл елдің маусымы тек еңбекке баулуды ғана емес, экологиялық жауапкершілікті қалыптастыруды да мақсат етеді», — дейді ол.
«Жасыл ел» жобасы жастар үшін үлкен тәрбие мектебі. Олар еңбекке араласу арқылы табиғатты күтіп баптауға, экологиялық жауапкершілікті сезінуге үйренеді. Бұл жоба жастарға еңбекпен қамтылудың жақсы мүмкіндіктерін ұсынады, сондай-ақ оларға өздерінің қаласы мен елінің дамуына үлес қосуға мүмкіндік береді.
Таза Қазақстанды құру жолындағы ең маңызды қадамдардың бірі — жастарды еңбекке баулу, экологиялық мәдениетті арттыру және жастардың бойында еңбекке деген құрметті қалыптастыру. «Жасыл ел» еңбек жасағының бұл маусымы Шымкенттің экологиясын жақсартуға үлкен үлес қосты және жастардың күшін тиімді пайдалану арқылы маңызды мақсаттарға жетуге мүмкіндік берді. Жастардың еңбекке араласуы, олардың экологиялық мәдениетін қалыптастыру қаламыздың болашақтағы дамуына оң ықпал етеді.
Пікір қалдыру