Қазақстан дағы ең алғашқы дәнекерлеуші робот Кентау қаласында іске қосылды. Кентау қаласындағы «Кентау трансформатор зауыты» АҚ өндіріс орнында бір уақытта 6 адамның жұмысын атқара алатын жапондық «Yaskawa Motoman» дәнекерлеуші-роботы іске қосылды. Құны 200 млн теңгеден асатын роботтың басты міндеті – трансформаторларды дәнекерлеу жұмыстарын жүргізу болып табылады. Бір дәнекерлеуші маманнның 8 сағатта атқаратын жұмысын робот 20 минут ішінде орындап шығады.
«Yaskawa Motoman» роботы Жапонияда ойлап табылған. Алайда Швецияда құрастырылып, Украина мемлекетінде арнайы өндіріске лайықты бағдарламасы енгізілген. Роботпен жұмыс істеу үшін Кентаудағы зауыттан 3 маман Украина мемлекетіне барып, арнайы іс-тәжірибеден өтіп келген. Болашақта зауытты тағы да осындай роботтармен толықтыру жоспарланып отыр. Айта кетерлігі, бұл дәнекерлеуші-робот Қазақстанда іске қосылған ең алғашқысы болып отыр.
«Кентау трансформатор зауыты» АҚ өндіріс орнында 1300-ге жуық маман жұмыс істейді. Жылына зауыт 26 млрд теңгенің өнімін өндіріп отыр.
Түркістан облысының Өңірлік коммуникациялар қызметі
Пікір қалдыру