Елбасы Нұрсұлтан Назарбаевтың «Болашаққа бағдар: рухани жаңғыру» бағдарламасы аясында «Рухани жаңғыру: Түркістан дәрістері» кездесуі өтті.
«Рухани жаңғыру: Түркістан дәрістері» атты кездесу барлық аудан, қалалар деңгейінде өткізілді. Келелі кездесуге жастар, тарихшы ғалымдар, зиялы қауым өкілдері мен мәдениет, спорт саласының мамандары қатысқан.
Санитарлық талаптарды сақтай отырып ұйымдастырылған шарада PhD докторлары, кандидаттар, ғалымдар сөз сөйледі. Атап айтсақ, заңгер, исламтанушы, PhD докторы, доцент — Ермек Бекбосынов, Түркология ғылыми-зерттеу институтының директоры, философия ғылымдарының докторы – Досай Кенжетай, М.Әуезов атындағы Оңтүстік Қазақстан Университетінің әлеуметтік және тәрбие жұмысы жөніндегі проректоры — Сакен Аралбайұлы Мажимбеков, доцент, дінтанушы – Сержан Оразбай секілді азаматтар сөз сөйледі.
Кездесуде зиялы қауым өкілдері мен ардагерлер, жастар саласының өкілдері көпшілікпен өз ойларын бөлісіп, кездесуге қатысушылар көкейлерінде жүрген сұрақтарын қойды. Жоғары деңгейде өткен шара соңында қатысушылар естелік суретке түсіп, ұйымдастырушыларға алғыстарын айтты.
Түркістан облысының Өңірлік коммуникациялар қызметі
Пікір қалдыру