«Жастар» ғылыми-зерттеу орталығы мен Отбасы банкі қазақстандық жастар үшін тұрғын үй несиесінің қолайлы шарттарын және тұрғын үй жағдайларын жақсарту қажеттілігін айқындау бойынша бірлесіп зерттеу жүргізген болатын.
Зерттеу негізінде бірыңғай жастар тұрғын үй бағдарламасының арнайы жобасы әзірленеді. Бұған дейінгі жүргізілген сауалнама кезінде «Жастар өздерін сенімді сезініп, дамуға қабілетті болу үшін не қажет?» деген сұраққа респонденттердің 40,9 пайызы «Өз баспанасы» деп жауап берген. Мемлекеттің жастарды әрдайым қолдап келеді. Осыған дейін қаламызда жұмыс істейтін жастар үшін арнайы бағдарламаға өтінім қабылданған болатын. Енді қайта қолықтыру кезеңіне келді.
Шымкент қаласы бойынша 35 жасқа дейінгі жұмысшы жастар бағдарламасы бойынша тапсырылған құжаттарды қайта толықтыру үшін өтінімдерді қайтару бүгіннен басталды.
Жолдаған ескертулерге мән берулеріңізді сұраймыз. Құжаттарды толықтыру үшін хабарлама келген жағдайда, 5 жұмыс күндік мерзім ішінде көрсетілген мәтіндегі деректерді мұқият оқып, тек көрсетілген ескертулерге өзгеріс енгізіп, басқа деректерді өзгеріссіз қалдыруыңыз қажет.
Басқа деректер өзгерілген жағдайда шындыққа сай емес мәлімет берілгеніне жауапкершілік өтініш берушіге жүктеледі.
Айта кету керек, Жастар бағдарламасы бойынша түскен барлық өтінімдер қазіргі таңда қаралымда. Аталған конкурстың нәтижесі өтінімдердің ауқымдылығына байланысты анықталатын болады.
Айта кетейік, аталмыш бағдарламаға қатысудың өзіндік шарттары бар.
- 35 жасқа толмаған, орта және жоғары білімі бар жұмыс істейтін ҚР азаматтары;
- сол елді мекенде кемінде соңғы үш жыл тұрақты тіркелген;
- отбасы мүшелері осы елді мекенде тұрақты тіркелген;
- ҚР аумағында, авариялық жағдайдағы, құлау (қирау) қаупі бар тұрғын үйлерді қоспағанда, өтініш берушінің, жұбайының (зайыбының), кәмелетке толмаған балаларының меншік құқығында өтініш бергенге дейін соңғы бес жыл ішінде тұрғын үйдің болмауын растау.
Пікір қалдыру