Алты сектор тұрғындары бақ сынаған «Менің отбасым» отбасылық сайысынан бастап, клуб баскетбол, футбол, үлкен теннис ойындарынан жасөспірімдер арасында қала біріншілігін өткізді.
Одан бөлек, клубтың бастамашы болуымен республикалық деңгейде жасөспірімдер арасындағы үлкен теннистен жарыс өткізілді. Оған Түркістан облысынан бастап, Алматы, Қызылорда облыстары және Тараз, Шымкент, Түркістан қалаларынан келген спортшылар қатысты.
Сонымен бірге, клубтың ұйымдастыруымен өткен Түркістан қаласының қысқы ойындары біріншілігінде жүзге жуық тұрғын бақ сынасты.
Қатысушылар шарада шахмат, гір тасын көтеру, волейбол, баскетбол, үстел теннисі, футбол ойындарымен қатар, ұлттық спорт түрлерінен: тоғызқұмалақ, қол күрес пен асық атудан жарысқа түсті.
Көптеген спорттық шаралардың ұйымдастырушы болған клуб ұжымы республикалық, облыстық деңгейдегі бәсекелерде шаһардың намысын қорғап, жүлделі орындарға ие болды.
Пікір қалдыру