ТҮРКІСТАНДАҒЫ «ЖІБЕК ЖОЛЫ» САЯБАҒЫ БІРҚАТАР ЖӨНДЕУДЕН ӨТУ ҚАЖЕТ

Күн тәртібіндегі нысандардың қатарында осыдан 3 жыл бұрын халық игілігіне берілген — «Жібек жолы» саябағы да бар.

Ақмола, Алматы және Қарағанды облыстарының Түркістан қаласына тартуы болып саналатын демалыс саябағының жалпы жер көлемі 30 гектарды құрайды.

Мұнда субұрқақтар, жасанды тоған, жасыл бұта, ағаштар мен газон егіліп, орындықтар мен спортпен шұғылдану үшін аяқжол мен веложолдар қамтылған.

Алайда, уақыт талабына сай ауыстыруды және келушілердің өрескелдігінен жөндеуді қажет ететін тұстары бар.

Қазіргі таңда кемшіліктерді қалыпқа келтіру жұмыстары атқарылып жатыр.

Келушілерден табиғатқа жанашырлықпен қарап, тазалық сақтауларын сұраймыз.

Түркістанға келушілер мен қала тұрғындарын ерекше қуанышқа бөлеген  саябақ. «Жібек жолы» деген атты иеленген алып демалыс орыны көрсеңіз көркімен көз қуантады. Қазір мұнда келушілердің саны арта түскен. Ашық аспан астындағы демалыс орны серуендеуге таптырмас орындардың бірі.
Бұл алып демалыс орыны «Жібек Жолы» саябағы қазіргі кезде демалыс орнында түрлі атракциондар мен балалардың ойын алаңшалары бар. Сондай-ақ төбеден Түркістанды толық көруге мүмкіндігіне ие боласыз.  Сонымен қатар, «SOS» қауіпсіздік батырмасы мен «Turkistan bike» велосипед бекеті де орналастырылып, келушілерді үлкен қуанышқа кенелтуде.

Айта кетейік,  Түркістан–Шымкент бағыты бойында орналасқан «Жібек жолы» саябағы ресми түрде 2021 жылы  іске қосылды.

2019 жылы құрылысы басталған нысанда субұрқақтар, жасанды тоған, жасыл бұта, ағаштар мен газон егіліп, орындықтар қойылған. Сондай-ақ, спортпен шұғылдану үшін аяқжол мен веложолдар да салынған.