Шымкент қаласының зоосаябағы — қаланың маңызды демалыс орындарының бірі болып табылады. Мұнда тек балалар мен ересектер дем алатын жер ғана емес, сондай-ақ көптеген жануарлар мен өсімдіктер әлемі де өмір сүретін жер десек те артық емес. Таза, қауіпсіз және көрікті орта — бұл зоосаябақтың жұмысындағы басты мәселелердің бірі. Әсіресе, «Таза Қазақстан» акциясы аясында зоосаябақ қызметкерлері жиі сенбіліктер мен экологиялық іс-шараларға қатысып, қала тазалығын сақтауға өз үлестерін қосып келеді.
Бүгінгі қаламыздың әр аумағында өткен ауқымды акцияда Шымкент мемлекеттік зоосаябағы қызметкерлері де өз үлестерін қосты. Олар қоғамдық орындарды тазалауға, аумақты қоқыстан тазартуға және қоршаған ортаның тазалығына қамқорлық жасауға белсене қатысуда. Мұндай бастамалар баршамызға табиғатты қорғау және қаланы көркейтуге үлес қосудың қаншалықты маңызды екенін еске салады. Бұл бастама тек қала тұрғындарының ғана емес, табиғатқа деген жауапкершіліктің де артуына ықпал етеді.
Зоосаябақтың өте таза болуы аса маңызды. Себебі бұл мәселе жануарлар мен өсімдіктердің денсаулығы, қала тұрғындарының қауіпсіздігі және экологиялық мәдениет қалыптастыру үшін де үлкен рөл атқарады.
Зоосаябақта ұсталған жануарлардың ұзақ сүруі, ең алдымен, олардың тұрған ортасының тазалығына байланысты. Қоқыстар мен ластанған аумақтар жануарлардың денсаулығына зиян келтіруі мүмкін. Жануарлар үшін таза әрі қауіпсіз орта сақталуы тиіс, себебі ластанған жерлерде түрлі бактериялар мен инфекциялар пайда болуы мүмкін. Сонымен қатар, азық-түліктің сапасы мен тұрмыстық қалдықтар да жануарлар үшін қауіп төндіруі мүмкін. Осыған байланысты зоосаябақ қызметкерлері сенбіліктерге шығып, экологиялық таза әрі қауіпсіз орта құруға ерекше мән береді.
Зоосаябаққа келген келушілердің тыныштығы мен қауіпсіздігі де тазалықпен тығыз байланысты. Ластанған жерлерде жүру қауіпсіз, әсіресе балалар үшін. Сондай-ақ, қоқыстардың көбеюі – қала көрінісінің бұзылуына, түрлі зиянкестердің пайда болуына әкелуі мүмкін. Тазалық жұмыстарын дұрыс ұйымдастыру қала тұрғындарының денсаулығын сақтау және қоғамдық қауіпсіздікті қамтамасыз ету үшін өте маңызды. Сондықтан да. ел демалатынжердің таза болуы ең басты міндет деп түсінеді мекеме басшылығы.
Зоосаябақтың тазалығы келушілердің жағымды әсер алып, табиғатқа деген сүйіспеншіліктерін арттыруға ықпал етеді. Қоқыстан тазартылған аумақтар мен әдемі көріністер зоосаябаққа барған адамдардың демалысын әлдеқайда жағымды етеді. Тазалық шаралары, әсіресе, ойын алаңдарында, серуендеу жолдарында және жануарлармен танысу аймақтарында өзекті. Сондай-ақ, зоосаябақтың тазалығы оның сапасын көрсетеді, бұл қаладағы экологиялық мәдениеттің көрсеткіші болып табылады.
Қазақстанда жүргізіліп жатқан «Таза Қазақстан» экологиялық акциясы еліміздің барлық қалаларында ең ауқымда өтіп жатыр. Шырайлы Шымкенттің өзінде бір мезетте бірнеше жерде ұйымдастырылады. Бұл акция халықты тазалыққа шақыру, қоршаған ортаға деген жауапкершілікті арттыру және экологиялық проблемаларды шешу үшін үлкен мүмкіндік.
Шымкент қаласындағы зоосаябақ қызметкерлері «Таза Қазақстан» акциясына белсене қатысып, сенбіліктер мен тазалық шараларын үнемі жасайды. Мұндай шаралар тек көше мен аумақты тазартумен ғана шектелмей, сонымен бірге қоқыс сұрыптауды, қайта өңдеуді, табиғи ресурстарды тиімді пайдалануды үйретуге бағытталған. Қаланың көркі мен таза ауасы, сондай-ақ жануарлар мен өсімдіктердің денсаулығы мен өмір сүру жағдайлары акция аясында айтарлықтай жақсарады.
Акцияның маңызды міндеті — қала тұрғындарының экологиялық мәдениетін қалыптастыру. Қаланың тазалығы үшін тек коммуналдық қызметкерлер ғана емес, әрбір тұрғын жауапты. Зоосаябақ қызметкерлері бұл мәселе бойынша үлгі көрсетіп, тұрғындарға табиғатқа деген құрмет пен қамқорлықты жеткізуді мақсат етеді.
Таза Шымкент – біздің ортақ мақсатымыз! Барлық акцияға белсенді қатысып жатқан жандарға еңбектері мен өз аймағына деген сүйіспеншілігі үшін алғыс айтамыз.
Пікір қалдыру