ОҚО жер кадастры және жылжымайтын мүлікті техникалық тексеру департаменті пилоттық жобаны жүзеге асыруда

Оңтүстік Қазақстан облыстық жер кадастры және жылжымайтын мүлікті техникалық тексеру департаментінің Қазығұрт аудандық бөлімшесі биылғы жылдың наурыз айынан пилоттық жобаны іске қосқан. Оны іске асыру мақсатында жұмысшы тобы құрылып, жылжымайтын мүлікке құқықтарды мемлекеттік тіркеу қызметінің көрсетілу сапасы бақылауға алынып отыр. Бұл жөнінде ОҚО өңірлік коммуникациялар қызметінде өткен баспасөз конференциясында облыстық жер кадастры және жылжымайтын мүлікті техникалық тексеру департаментінің директоры Данабек Исабеков мәлімдеді.Баспасөз конференциясында департамент басшысы мекеме қызметкерлері тарапынан дұрыс қызмет көрсетілмеген жағдайда немесе туындаған мәселелер мен арыз-шағымдар бойынша 8-747-703-76-21 нөміріне, яғни, «WhatsApp» желісіне хабарласуға болатынын атап өтті. Сондай-ақ, ол департаменттің барлық бөлімшелерінде шағым-ұсыныс жәшіктері орналастырылғанын жеткізді.

Сонымен қатар, аталмыш департамент бүгінде 14 мемлекеттік және 30-дан астам коммерциялық қызмет көрсетіп келеді. Атап айтқанда, жер теліміне жеке меншік құқығына және жерді пайдалану құқығына актілерді рәсімдеу, сондай-ақ жер телімінің кадастрлық құнын анықтау сынды қызмет түрлерін көрсетіп келеді.

Бірінші болып пікір қалдырыңыз

Пікір қалдыру

Сіздің эл.почтаңыз сайтқа ашық жарияланатын болмайды.


*