Шымкент қаласы Еңбекші ауданы әкімдігінің ұйымдастыруымен «Азат» шағын ауданында жалпыұлттық бірлік пен қоғамдық келісімді нығайту бағытында кездесу өтті.
Кездесуге «Қоғамдық келісім» мекемесінің қызметкері, «Азат» шағын ауданының тұрғындары қатысты. Сондай-ақ, белсенді азаматтары және сол ауданның жастары бой көрсетті.
Жиында қоғамдық келісім мен жалпыұлттық бірлікті сақтау, мемлекеттік этносаясатқа қатысты құқықтық тұрғыдағы ақпараттар, қолданыстағы заңнамалардың сақталуы, жастардың міндетті әскери борышты өтеуі, т.б. мәселелер сөз болып, өзара пікірлер алмасылды.
Бірлік – адамзатты жаңа белестерге шығарған үлкен құндылық. Бұл қасиетті қадір тұтқан қазақ халқы оны мақалдарынан да, даналықтарынан да жырақ қалдырмаған. Ұлы Дала пәлсапасының көрінісі болған мақалдарда «бірлік болмай тірлік болмайды» деген қанатты сөздері бар. Бұл тәмсілдің тереңінде бірігудің, татулықтың негізінде биік белестер бағынып, алынбас асулар алынады.
Бұрыннан қалыптасқан дәстүрлі достықтың бай тәжірибесі ұлттық татулық пен келісімнің ғана халықтардың экономикалық теңдігі, саяси және мәдени дамуын, өзара достықты, ұлттық мүдделер мен ұлттық ерекшеліктерді, тілдердің бір-біріне деген құрметін қамтамасыз ете алатынын көрсетті.
Аталмыш кездесудің негізгі көздегені біреу, ол — татулық пен бірлік. Жиын барысында өзара кері байланыса отырып, көпшіліктің көкейіндегі кейбір түсініспеушіліктің түйіні тарқады. Ал аға буын тарапынан осындай жиындардың жиі өткізілуі — жастарға ерекше серпіліс, жаңаша көзқарас беретіні байқалды. Татулық пен бірлікті негіздейтін осындай шағын жиындар қаламыздың басқа да аудандарында жалғасын табатын болады.
«Түркістан облысы және Шымкент қаласы кәсіподақтар орталығы» аумақтық кәсіподақтар бірлестігі жанынан құрылған «Келешек» жастар кеңесі қалалық Жастар ресурстық орталығы Аутрич және NEET бөлімімен бірлесе Шымкент қаласы – ТМД елдерінің мәдени астанасы жылына орай қала жастарына […]
Оңтүстік Қазақстан облысы Шардара ауданындағы Жаушықұм ауылының жастары үшін жұмыссыз қарап жату деген жат тірлік. Әсіресе, диқаншылықты жанына жақын тұтқан жас жігіттер қыс аяқталысымен-ақ егістік алқапқа шығып, қарекетке кіріседі. Биыл ауылдағы 15 белсенді жас өзара […]
Бүгінде Оңтүстік Қазақстан облысының халқы бірлік пен ынтымақтың, ұлтаралық және ұлтішілік татулықтың арқасында Тұңғыш Президентіміздің «Қазақстан — 2050» Стратегиясының, «100 нақты қадам» Ұлт жоспарының талаптары мен міндеттерін орындауда нақтылы табыстарға қол жеткізуде. Сонымен қатар, Елбасымыздың […]
Пікір қалдыру