Түркістанда әлем әншілерінің назарын аудартқан ғажап үн, талайды тамсандырған Тұран дауысы қайта оралды. Бүгін «Конгресс холл» көпсалалы кешенінде Республика күніне орай Түркістан облысы әкімдігінің қолдауымен ұйымдастырылған халықаралық «Voice of Turan-2024» қазақ әндері фестивалі басталды. Салтанатты ашылуында сөз алған облыс әкімінің бірінші орынбасары Зұлпыхар Жолдасов көрерменді өнер мерекесімен құттықтап, қатысушыларға сәттілік тіледі.
– Бүгінгі байқаудың өңір руханиятын дамытуға ықпалы зор деп есептеймін. Қазақ халқы ежелден өнерге жақын болған. Мұны сан ғасырлық тарихтан аңғаруға болады. Бүгінгі өнер өнер додасының Түркістан төрінде қанат жаюы тегіннен емес. Қазіргі таңда мұнда республикалық және халықаралық шаралардың өтуі дәстүрге айналып келеді. Халықаралық «Voice of Turan» қазақ әндерін орындаушылар байқауы аз ғана уақытта әлемдік деңгейдегі танымал жобалардың қатарына енді. Осы жылы да өнер байқауы ел көңілінен шығады деп ойлаймын. Биылғы байқауға Қазақстан Республикасы Мемлекеттік сыйлығының лауреаты, танымал композитор Төлеген Мұхамеджанов бастаған өнер қайраткерлері төрелік етуге келіп отыр. Бүгінгі өнер додасына қолдау білдіріп, қазақ әндерін насихаттауға үлес қосудағы еңбектеріңіз үшін алғыс білдіремін. Қазақ әндері әлемдік өнер көгінде қалықтай берсін! – деді Зұлпыхар Сансызбайұлы.
Биыл бесінші рет ұйымдастырылып отырған ән байқауына Қырғызстан, Өзбекстан, Татарстан, Башқұртстан, Тыва, Әзербайжан, Грузия, Беларусь, Армения, Кипр, Түркия, Болгария, Косово, Индонезия, Испания, Куба, Венесуэла елдерінен халықаралық ән байқауларында жетістікке жеткен 18-35 жас аралығындағы эстрадалық жанрдағы орындаушылар, үлкен концерттік қойылымдарда тәжірибесі бар 16 үміткер қатысып жатыр. Байқау шартына сәйкес бүгін еліміздің өнер шеберлерімен бірге дуэт орындады. Ал ертең өз таңдауындағы қазақ әнін шырқайды.
Түркістан қаласының әкімі Әзімбек Пазылбекұлы жеке қабылдауға жазылған бірнеше қала тұрғындарын қабылдап, олардың мәселелерін тыңдады. Келушілердің басым көпшілігі әлеуметтік проблемаларды көтеріп, үй алу, жұмысқа орналасу, атаулы әлеуметтік көмек (АӘК) рәсімдеу, қоғамдық көліктердің жүру бағыттарын өзгерту […]
Түркістан қалалық жастар орталығының ұйымдастыруымен «Арманға жету жолындағы алғашқы қадамдар» тақырыбында ҚР Мәдениет қайраткері, Түркістан қаласының Құрметті азаматы, «Би падишасы» атанған Ұлжалғас Мұстафаевамен кездесу кеші өтті. Мазмұнды кештің мақсаты — эстетикалық сезім мен талғамды қалыптастыратын […]
Бүгін Түркістан қаласындағы Қ.А.Яссауи атындағы Халықаралық қазақ-түрік университеті мен Қазақстан Журналистер Одағының Түркістан облыстық филиалының арасында өзара ынтымақтастық туралы келісім түзілді. Маңызды меморандум аясында филиалдың жанынан өңірде алғаш рет жас журналистер клубы құрылды, деп хабарлайды […]
Пікір қалдыру