Түркістанның тазалығы – басты назарда! Осы ретте қаладағы 875 көше 3 кезекке бөлініп тазаланады. 1-кезектегі 112 көше күнделікті, 2-кезектегі 342 көше аптасына 2-3 рет, ал 3-кезектегі 421 көше аптасына 1 рет тазартылып отырады.
Шаһардағы тазалық жұмыстары бойынша 2 мекеме қызмет атқарады. Олар «Түркістан – жарық тазалық» ЖШС және «Жасыл қала – green city» ЖШС.
«Түркістан – жарық тазалық» мекемесі қаланың 160 көшесінің тазалығына жауапты. Онда 340 қызметкер жұмыс істейді және 36 техникамен қамтылған.
Ал, «Жасыл қала – green city» мекемесіндегі 80 қызметкер мен 12 техника шаһардағы 258 көшенің таза болуына атсалысып келеді. Қалған көшелердің тазалығына 6 сектор бойынша 7 жеке кәсіпкер бекітілген.
Сондай-ақ, төлем жүргізілетін тұрғындардың үлесі 75 %-ға жетіп отыр.
Қазіргі таңда қала аумағында ортақ пайдалану орындарын ластау, абаттандыру қағидатын бұзу, жол жабындысын бүлдіру бойынша 8 099 хаттама толтырылып, 100,4 млн.теңге айыппұл салынды.
Түркістан қаласында көгалдандыру бағытында өткен жылы жүйелі жұмыстар атқарылды. 2023 жылдың көрсеткіші бойынша шаһарға 314 мың дана ағаш көшеті отырғызылды. Сонымен бірге қаланың орталық алаңдары мен скверлерін абаттандыруға айрықша назар аударылды. Мәселен, қала көшелері, саябақтары, скверлері, аллеялары мен гүлзарларда 62 мың дана түрлі көпжылдық және бір жылдық гүл көшет егілді. Сондай-ақ 379 гектар аумақта ағаштарды дәрілеу өңдеу тыңайтқыштармен қоректендіру жұмыстары жүргізілсе, 17 925 дана ағашқа санитарлық және авариялық кесу жұмыстары жүргізілді. Қаладағы 62 саябақ, сквер, аллеядағы кіші сәулет мүсіндері мен саябақ құрылыстары (орындық, жарықшамдар, мүсіндер т.б) аяқжолдар мен балалар ойын алаңдары боялып, қайта қалыпқа келтіру жұмыстары атқарылды.
Мереке қарсаңында заманауи үлгідегі көпфункционалды ашық аспан астындағы амфитеатрдың ашылуына орай, қала әкімі, зиялы қауым өкілдері, қалалық мәслихат депутаттары шаһардағы белсенді жастармен кездесті. Жиында сөз алған қала басшылығы жастардың үлкен күш екенін атап өтті. Дегенмен […]
Футболдан Қазақстан премьер-лигасының ХІІІ туры өтті. Түркістан облысының «Тұран» командасы мұнайлы өлкенің «Атырау» клубын қабылдады. Сарапшылар бұл матчта атыраулықтар басым түседі деп болжаған. Бірақ түркістандықтар барлық мәселе жасыл алаңда шешілетінін дәлелдеді. Ойынның 14-минутында Цуцкич есеп […]
Халықаралық қайырымдылық күніне орай, Түркістан қаласы әкімдігіне қарасты мекемелер мен дербес бөлімдер «Игі істер марафонына» атсалысты. Қайырымдылық марафоны аясында өмірлік қиын жағдайға тап болған 30-ға жуық отбасына көмек көрсетілді. Аталған отбасылардың сұранысына сай, кей отбасыларға […]
Пікір қалдыру