Бекітілген жұмыс жоспарына сәйкес, бүгін қала әкімі Нұрбол Тұрашбековтің төрағалығымен кезекті аппараттық мәжіліс өтті.
Мәжіліс барысында «Е-өтініш» жүйесі арқылы түскен өтініштер де сараланды. Жыл басынан бері әкімдікке жүйе арқылы 2126 өтініш түскен. 1801 өтініш мерзімінде орындалып, жауап берілген. 119 өтініш қайта бағыттауға кері қайтарылса, өзге өтініштер мерзімі бар болуына байланысты қаралу үстінде.
Күн тәртібі бойынша, қалалық Полиция басқармасының бастығы Бауыржан Жанаев — ортақ пайдалану орындары мен абаттандыру қағидаларының сақталуы бойынша жүргізілген рейд нәтижесі мен салынған айыппұлдар туралы; қала әкімінің орынбасары Байдулла Оразбеков — саласы бойынша берілген тапсырмалардың орындалуы, инфрақұрылым және коммуникациялар саласына қатысты анықталған кемшіліктерді жою туралы; қала әкімінің орынбасары Талғат Төлегенов – бекітілген индикаторлардың орындалуы, жетекшілік ететін салаларына қатысты тапсырмалардың жүзеге асуы туралы; Бизнесті қолдау және туризм бөлімінің басшысы Мұхтар Төлепов — туристік нысандарда жабайы сауда орындарын болдырмау, заңсыз кәсіпкерлікпен айналысудың алдын алу мақсатында ұйымдастырылған рейдтік шаралардың нәтижесі туралы; қала әкімінің орынбасары Мекенхан Қырықбаев — идеология бағытында атқарылатын жобалар, жастар саясатын іске асыру бағытындағы ұсыныстар туралы; қала әкімдігінің аппарат басшысы Талғат Қыдырбаев орындаушылық тәртіп бойынша есептерін ұсынды.
Апта көлемінде, яғни маусым айының 21-28 күндері аралығында Түркістан қаласында ортақ пайдалану орындарын ластау дерегімен 198 құқық бұзушылық анықталып, айыппұл рәсімделген. абаттандыру талаптарын бұзған 105 тұлға анықталып, бірқатарына ескерту шарасы қолданылса, 5 азаматқа хаттама толтырылды. Жолдарды және жол жабындыларын ластаған, 5 жүк көлігінің жүргізушілеріне де айыппұл салынған. Сонымен қатар, қала төңірегіндегі 18 аймақта, яғни белгіленбеген орындарға күл-қоқыс тастаған 20 азамат әкімшілік жауапкершілікке тартылды.
Қала әкімінің маусым айында өткен жеке қабылдауы барысында берілген 13 тапсырманың қазіргі таңда 5-уі нақты орындалып бақылаудан алынса, 8-ін апта соңына дейін аяқтап, баяндау тапсырылды.
Мәжіліс қорытындысымен жаңа міндеттер белгіленіп, тапсырма-жоспар қайта бекітілді.
Қала әкімі Әзімбек Пазылбекұлының тапсырмасына сәйкес, Түркістан қаласының Полиция басқармасының қызметкерлерімен бірлесіп, қала тазалығы мен сәулетін сақтау, сондай-ақ рұқсат етілмеген орында сауда жүргізу мәселелеріне қатысты рейдтік шаралар өткізілді. Бұл шаралар аясында қала тұрғындарының мүддесін қорғау, […]
Түркістан қаласындағы Бекзат пен Сауран секторларының тұрғындарымен су, газ, кәріз, жарықтандыру жүйесі, ойын алаңшалары сияқты бірқатар мәселелер бойынша қала әкімінің орынбасары Байдулла Оразбеков пен бөлім басшылары және «Түркістан-Су», «QAZAQGAZ AIMAQ» мекемелерінің мамандары кездесті. Кездесуге келген […]
Түркістан қаласы Самал мөлтек ауданындағы 4 көпқабатты тұрғын үйге газ беріліп, 64 отбасы қуанышқа кенелді. Облыс әкімінің орынбасары Мейіржан Мырзалиев тұрғындармен кездесіп, халықты қуанышты жаңалықпен құттықтады. Облыс әкімінің орынбасары көптен бері өзекті мәселеге айналған газдандыру […]
Пікір қалдыру