Өткен сенбіде Шымкент қаласында «Таза Қазақстан» республикалық экологиялық бағдарламасы аясында қала тұрғындары үлкен сенбілік ұйымдастырды. Биылғы жылдың ең ірі тазалық шараларының біріне 4000-нан астам адам қатысты. Бұл күні әртүрлі жастағы шымкенттіктер, оның ішінде ақсақалдар мен еріктілер, коммуналдық қызметтермен бірге қала аумағын тазарту үшін бірлесіп жұмыс істеді. Бұл шараның маңыздылығы сонда, ол тек қоқыс жинап, қала көшелерін тазалаумен ғана шектелмей, табиғатты қорғауға, көгалдандыруға және қала инфрақұрылымын жақсартуға бағытталған ауқымды жұмыстарды қамтыды.
Сенбілікке 34 арнайы техника жұмылдырылды. Олардың қатарында 8 тиегіш, 17 самосвал, 3 автокөтергіш және 6 басқа да техникалық көліктер болды. Қаладан жиналған қоқыс көлемі 648 текше метрді құрады. Қоқыс тазалау жұмыстарының сыртында, қатысушылар басқа да маңызды іс-шараларды атқарды. Ағаштар ағартылып, шөптер шабылып, өзен арналарын тазарту жұмыстары жүргізілді. Сонымен қатар, қураған ағаштар кесіліп, жаңалары отырғызылды. Қала көгалдандыру ісіне де елеулі үлес қосылды: бір ғана сенбіліктің өзінде 1000 көшет отырғызылды.
Бұл шараға қатысушылардың бірі, жергілікті тұрғын Айсара Аманкелді сенбілікетің кең ауқымда өткеніне қуанатынын айтты. «Осындай маңызды шара үшін бүкіл қала бірігіп жатқанын көргеніме қуаныштымын. Біз бәріміз Шымкентіміздің таза әрі жасыл болғанын қалаймыз, бұл бізге ортақ мақсат», — деп атап өтті. Оның сөзінен әр адамның қала тазалығына деген жауапкершілігі мен тұрғындардың бірлігі айқын көрінді. Ол сондай-ақ мұндай шаралардың қаланың экологиялық жағдайын жақсартуға және әрбір адамның туған жеріне деген құрметін арттыруға көмектесетінін атап өтті.
Қатысушылардың айтуынша, сенбіліктер тек қоқыс жинаумен ғана шектелмей, адамдардың қоғамдастыққа деген сезімін нығайтады. Жергілікті еріктілер де замандастарын тазалыққа шақырды.
«Бұл тек тазалық шарасы ғана емес, бұл біздің қаламызға деген қамқорлықтың көрінісі. Шымкенттің экологиялық мәселелеріне бей-жай қарамайтын адамдардың көбейіп келе жатқаны мені қуантады», — деп өз ойымен бөлісті. Шындығында, сенбіліктер қаланың экологиясына оң әсерін тигізіп қана қоймай, тұрғындардың жауапкершілігі мен ынтымақтастығын арттырады.
Іс-шара барысында қалалық аумақты абаттандыру мен жақсартуға ерекше көңіл бөлінді. Суару жүйелері мен тротуарларды тазалау, орындықтар мен қоқыс жәшіктерін жөндеу және бояу жұмыстары атқарылды. Бұл жұмыстар тұрғындардың күнделікті өміріне тікелей әсер ететін маңызды міндеттер болып табылады. Сенбілік кезінде орын алған шынайы бірлік пен өзара көмек атмосферасы бұл шараның қоғам үшін ғана емес, әр адамның өз қалаға деген шынайы қамқорлығын білдіретінін көрсетеді.
Сенбілікке қатысушылардың бір-біріне қолдау көрсетуі, олардың қала тазалығына деген ортақ жауапкершілігі мен ынтымағы көпке үлгі боларлықтай. Мұндай шаралар өз кезегінде қаланың сыртқы келбетін ғана емес, оның тұрғындарының азаматтық белсенділігін де арттырады. Шымкенттің таза көшелері мен жаңа жасыл желектері тек қала тұрғындарын ғана емес, Шымкентке келген қонақтарды да қуантады.
Бұл сенбілік Шымкент қаласы тұрғындарының өз қаласына деген жауапкершілігін, туған жерге деген сүйіспеншілігін және экологиялық жағдайды жақсарту мақсатындағы ұжымдық күш-жігерін көрсетті. Қала көшелері мен қоғамдық орындардағы тазалық пен көгалдандыру жұмыстарының нәтижесі тек бір күнде көрінгенімен, оның әсері ұзақ уақыт бойы сезілетін болады. Әрбір сенбілік адамдарды экологияға жауапкершілікпен қарауға және қала мен табиғатқа қамқорлық жасауға шақырады. Сондықтан мұндай шаралар болашақта да жалғасып, Шымкент қаласының экологиялық жағдайын жақсартуға үлкен үлес қосатыны сөзсіз.
Пікір қалдыру