Қоңыр күз келді дегенше, қыстың қамын да қарастыра беру жөн шығар. Өздеріңізге мәлім жазымен толған арық атыздардың кесірі күздік жаңбыр мен қыстың қарының толуына әкеліп соғады. Алдағыны болжамай, қауіп-қатердің алдын ала отырып, су ағарлар мен каналдардың жиектерін тазартып қоюды жоспарға енгізу қажет. Осыған орай Мемлекет басшысының тапсырмасы бойынша кезең- кезеңімен тазалық жұмыстары ұйымдастырылуда. Акция басталғаннан бүгінге дейін қатысушылардың саны артып келеді. Қаланың әр аймағын тазалауға кіріскендер қоқыстармен қосы арам шоптерді де тазартты. Саябақта көгалдандыру жұмыстарын жүргізді. Игілікті іске қоғам қйраткерлері, ардагерлер мен кәсіп иелері, сондай-ақ, мектеп оқушылары да ат салысты. Іс-шараға барлығы 100-ге жуық адам қатысып, олар алма ағашының және мойыл, ырғай сияқты бұта жемістерінің 200 көшетін екті.
«Президентіміз Қасым-Жомарт Тоқаевтың бастамасымен еліміз бойынша өткізіліп жатқан «Таза Қазақстан» жалпыұлттық экологиялық акциясы барша азаматты ортақ іске жұмылдырып отыр. Бұл – бірреттік іс-шара емес. Мұндай бастама – елімізде экомәдениетті қалыптастыруға және жаңа қоғамдық этика мен патриотизмді нығайтуға тың серпін беретін жүйелі жұмыс. Осындай нақты істер қоршаған ортаға қамқорлықпен қарауды әр адам үшін күнделікті нормаға айналдыруға жол ашады», деді акцияға қатысушылар
Сондай-ақ палата спикері Мемлекет басшысы биылғы Жолдауында қоршаған ортаға ұқыппен қарауды одан әрі дамытудың маңызды екеніне баса мән бергенін айтты. Сондықтан қазіргі таңда табиғатты аялау және экологиялық жауапкершілік қағидаттары күн тәртібіндегі өзекті мәселелердің біріне айналып отыр.
– Бір адамның кесірі мыңға тимеуі керек. Өлекселер мен қоқыстар сырттан келмейді, өз арамыздағы азаматтар шығарып тастайды. Осындай жағдайларға тосқауыл қою керек. Қажет болған жағдайда рейд ұйымдастырыңыздар, түсіндіру шараларын күшейтіңіздер, қоршаған ортаны бейберекет ластаушыларға айыппұл салыңыздар, бірақ нәтиже көрсетіңіздер. Кез-келген жердің тазалық көрсеткіші сол жерді мекендейтін тұрғындардың мәдени деңгейін көрсетеді. Ендеше, тазалық жұмыстарына дәрменсіздік танытпай, әрдайым жауапкершілікпен қарауға атсалысу керек, – деді қала тұрғыны Орынша Тәжібаева.
Қала тазалығы — мәдениеттіліктің өлшемі. Бұл баршамызға ортақ міндет болғандықтан, қала тұрғындарын қарапайым тазалықты сақтауға шақырамыз.
Пікір қалдыру