Түркістан облысының агроөнеркәсіптік кешенін дамытудың 2023-2027 жылдарға арналған іс-шаралар жоспарына сәйкес, 2024 жылға Шардара ауданында 133 бірлік техника сатып алу көзделген. Бүгінгі таңда бұл меже 1,5 есеге артық орындалып, 206 бірлік ауыл шаруашылығы техникасы алынған. Нәтижесінде агроөнеркәсіптік кешен саласының негізгі капиталына 3,5 млрд теңгеден астам инвестиция тартылған.
Қазіргі таңда ауданда жалпы ауыл шаруашылығы техникасы 35 пайызға жаңартылған. Айта кетейік, аталған көрсеткіш бойынша өткен 2023 жылдың қорытындысымен Шардара ауданы «Ауыл шаруашылығы техникаларын жаңалау» номинациясы бойынша үздік аудан атанған болатын. Жалпы өңірде 1 589 дана ауылшаруашылық техникасы бар. Оның 127 данасы — шынжыр табанды, 35 данасы — астық ору комбайны, 152 данасы — әр түрлі маркадағы мақта теру комбайны.
Жалпы, ағымдағы жылдың 6 айында облыстағы ауыл шаруашылығының жалпы өнім көлемі 146,4 млрд. теңгені құрап, өткен жылдың тиісті кезеңімен салыстырғанда 25,4 млрд. теңгеге артқан. Республикада өнім көлемі бойынша облысымыздың үлесі 14,6 пайызға жетіп, 2-орынды иеленіп отыр.Ал ауыл шаруашылығы экспортының көлемі 68,6 млн. АҚШ долларын құрап 18,2 пайызға артып отыр. «2018 жылдың 6 айының қорытындысы бойынша ауыл шаруашылығы негізгі капиталына тартылған инвестиция көлемі 4686,4 млн. теңгеге жетіп, өткен жылдың тиісті кезеңімен салыст ырғанда 34 пайызды құрайды.Сондай-ақ, ағымдағы жылы 448 мың гектар суармалы жерді игеру жоспары қазіргі таңда 3,3 пайызға артығымен орындалған. Бұдан өзге, биыл ауыл шаруашылығы саласындағы барлық техникалардың 6,2 пайызы жаңарды», — деді Серік Ордабекұлы. Сонымен қатар бүгінгі таңда өңірде 60 мыңнан аса үй шаруашылықтары мен шағын фермер мүшелерінен құралған 704 ауыл шаруашылығы кооперативтері тіркеліп жұмыстарын жүргізуде.
Пікір қалдыру