Қазан қаласында 10-13 қараша күндері белбеу күресінен әлем чемпионаты өтті. Дүбірлі күрес бәсекесінде ел намысын қорғаған Түркістан облысының мақтаныштары үздіктер қатарынан көрінді.
Атап айтар болсақ, Тұрмаханбет Қалмұхан 57 келіде күш сынап, боз кілем төрінде атой салды. Барлық қарсыластарының жауырынын жерге тигізіп, әлемнің үш дүркін жеңімпазы атанды. Сондай-ақ, байрақты бәсекеде 90 келіде белдескен Ернар Байжігіт пен әйелдер арасында 58 келіде өнер көрсеткен Түркістандық Гүлзира Құдасбек қос қоланы облыс қоржынына салды.
Айта кетейік, Түркістандық дарынды саңлақтарды әлемдік додада үздіктер қатарынан көрінуі үшін тәжірибелі жаттықтырушы Қуат Байхожаев қажырлы еңбек сіңірді. Оның шәкіртілерінің жетістіктері тек облысымыздың ғана емес, бүкіл елдің абыройын көтерді.
Спорт – денсаулық кепілі. Ал мықты денсаулық – адамның еңбекке, қоғамдық іс-әрекетке белсенді қатысуының кепілі. Қазақ халқы бала тәрбиесіне ерте кезден көңіл бөлген. Баланың ақыл-ойының, дене бітімінің дұрыс қалыптасуына айрықша мән берген. Халқымыздың спорттық ойындары осының бірден-бір дәлелі. Сондықтан да үлт болашағы ұрпақты спортқа баулып, бүгінгі ел намысын қорғап жүрген спортшылардың жолын жалғауына ат салысу — міндет.
Спорт – денсаулық кепілі. Дені сау ұрпақ халықтың болашағының іргесін қаламақ. Тән мен жанның саулығы бір-бірімен тығыз байланысты. Түрлі зерттеу нәтижесі бойынша сананың белсенділігі тәннің физикалық белсендігімен қатар арта түсетіні анықталған. Сонымен қатар, спорттық шаралар жастардың тәртіптілігін, ұжымдық рухын қалыптастыруға септігін тигізеді.
Түркістан облысы спорт инфрақұрылымын жақсартуға ерекше көңіл бөлуде. Жаңа спорт кешендері ашылып, заманауи жаттығу залдары мен жаттықтыру алаңдары құрылысы жүргізілуде. Бұл шаралар жас спортшыларға жоғары деңгейлі дайындық жүргізуге мүмкіндік береді. Сонымен қатар, мемлекеттік қолдау арқылы талантты балаларды ерте анықтап, оларды кәсіби спортшыларға айналдыру бағдарламалары жүзеге асырылуда.
Әлем чемпионаты барысында Түркістан облысының спортшыларының жетістіктері айтарлықтай назар аударды. Бұл олардың қажырлы еңбегі мен отбасылық қолдаудың нәтижесі болып табылады. Әрбір жеңіс – бұл облысымыздың ғана емес, бүкіл Қазақстанның мақтанышы.
Алдағы уақытта да облысымыздың спорттық потенциалын одан әрі арттыру мақсатында жаңа жобалар қолға алынады. Жастар арасында спортқа деген ынтаны арттыру, спорттық тәртіпті нығайту, халықаралық деңгейдегі жарыстарға белсенді қатысу – осы бағыттар бойынша жұмыстар жалғасуда.
Қорытындылай келе, Түркістан облысының спорт саласындағы жетістіктері біздің елдің халықаралық аренадағы беделін нығайтуға үлкен үлес қосуда. Спорт арқылы денсаулықты нығайтып, рухани байлықты арттыру – бұл ұрпақтан ұрпаққа берілетін ең құнды мұралардың бірі. Сондықтан да спортқа деген ынтызарлықты қолдап, қолдауымызды арттыру қажет.
Пікір қалдыру