Шымкент – жасыл қала. Шаһарды көгалдандыру жұмыстары күн тәртібінен түскен емес. Мемлекет басшысының тапсырмасымен қаладағы экологиялық жағдайды жақсартатын бірқатар жоба жүзеге асырылып жатыр. Негізгі басымдық көгалдандыруға берілген. Атап айтқанда Шымқаланың жасыл аймағының көлемін 13 мың гектарға жеткізу көзделіп отыр. Осы бағытта көктемде қаланың әр аумағында мыңдаған көшет егіліп, саябақтарда жаңғырту жұмыстары жүргізілуде.
Қала әкімі Ғ.Сыздықбековтің тапсырмасына сәйкес көне саябақ жаңартылды. Шымкентте Есіл және Камал көшелерінің арасындағы 0,5 га жерді қамтитын аумақта саябақ пайдалануға берілді. Қала әкімі Ғ.Сыздықбековтің тапсырмасына сәйкес көне саябақтың жаңартылуы тұрғындарды ерекше қуанышқа бөледі.
Ұлт саулығын жақсарту мақсатында саябаққа 200 ш.м құрайтын заманауи баскетбол алаңшасы, балалар ойын және спорт (тренажер, воркаут) алаңшалары, 3 әткеншек, 2 теннис үстелі, 1 шахмат үстелі орнатылды. Жаңа серуендеу аймағында 4000 ш.м аумақ көгалдандырылып, шынар, гуджу, каштан ағаш көшеттері мен көпжылдық сәндік гүлдер отырғызылды.
Сондай-ақ, саябаққа ауызсу бұрқағы, тегін автотұрақ, 8 орындық, 8 қоқыс жәшігі, 6 пергола, 40 жарықшам бағанасы, 8 декоративті тас орнатылды.
Аталған аумақта 10 астам көбқабатты үилер мен 500 астам жеке тұрғын үилер бар 2000 астам тұрғын бар
Шымкент қаласының қалалық жайлы ортаны дамыту басқармасының мәліметінше, концепция жобасы аясында жалпы қалалық саябақтар жүйесін қалыптастыру, демалушыларға қолжетімді аумақта орналасуы, саябақтарда жаңа сценарийлерді құру және тағы басқа да жұмыстар жүргізілетін болады.
Еуропа елдерінде әр адам басына 24 шаршы метр жасыл желектен келеді екен. Ал еліміздегі Алматыда – 13 шаршы метр, Шымкентте 5-6 шаршы метрді құрайды. Жалпы стандарт бойынша жан басына шаққанда жасыл желек 10 шаршы метрден кем болмауы тиіс. Сондықтан Шымкент қаласының әкімі Ғабит Сыздықбековтың хаттамалық тапсырмасына және шаһарды көгалдандыру мен көріктендіруге байланысты жасалған арнайы бағдарламаға сәйкес 2025 жылға қарай қосымша гүлзарлар мен саябақ салынады.
«Қаладан 23 жер аумағынан гүлзарлар салу жоспарланған. Ол аймақтарда жыл сайын гүлзарлар салынады. Келесі жылға 6 аумақта гүлзар құрылысын жүргізу жоспарда тұр. Шымсити шағынауданынан 47 гектар аумаққа саябақ салынды. Ол көлемі жағынан шаһардағы дендросаябақтан кейінгі екінші үлкен саябақ. Биыл «Фиркан сити» сауда–ойын-сауық орталығының маңындағы бұрынғы қоқыс полигонының орнынан салынып жатқан жаңа саябақ бар»,-деді басқарма басшысы.
Шымкент республикалық маңызды қала мәртебесіне ие болғаннан бері қала аумағында өзгеріс көп. Жасыл қала атауына лайықты болу бағытында жұмыстар қарқын алып, демалыс орындарының қатары толығып жатқаны қуантады,- дейді шымкенттіктер.
Пікір қалдыру