Шымкент соңғы жылдары атына заты сай қала болып келе жатыр. Халыққа керекті жауһар нысандар бірінен соң бірі іске қосылып келеді. Бүгінде қаланың 30 пайызға жуығын жастар құрайтынын ескерсек, оларға оқу, жұмыстан тыс уақытта еркін дем алатындай орталықтар әбден керек.
Қоғамдық ортақ пайдалану орындарын қалыптастыру мақсатында С.Жандосов және Жібек жолы көшелерінің қиылысында 0,2 га құрайтын аумақта су жаңа гүлзардың ашылуы өтті. Серуендеу орнында ескі субұрқақ пен көпір күрделі жөндеуден өтіп, канал аумағы толық қоршалды. Заманауи үлгідегі 8 дана орындық, 5 дана қоқыс жәшігі, әткеншектері бар 4 бастырма, 1 үстел теннисі, 4 вазон мен 6 декоративті тас орнатылды.
Сонымен қатар, гүлзарда шынар, гуджу тал көшеттері және көпжылдық гүлдер отырғызылып, 819 шаршы метр аумақ көгалдандырылды. Мұнда қала тұрғындарына қолайлы орта қалыптастыру үшін тегін автотұрақ салынып, 764 шаршы метр аяқжол төселді. Аталған аумақта халық саны тығыз орналасқан. Жалпы 15 көпқабатты тұрғын үй, 2700 ден аса тұрғын бар.
Шымкент өмір сүруге қолайлы өңір болғандықтан, қаладағы халықтың саны да жыл сайын өсуде. Оған дәлел ретінде 1913 жылы Шымкентте 19 000 адам тұрса, биыл жыл басында қаладағы халық саны миллионнан асып, жүз жылда қала тұрғындарының саны еселеп өскен. Шаhар шекарасының аумағы да жылдан-жылға ұлғайып, халықтың тұрмысы да жақсарып келеді.
Сонымен, туған қаламыз жайлы бір ауыз сипаттап өтсек. Шаһарда бірнеше үлкен саябақ пен техносаябақ, Бәйдібек би ескерткіші маңындағы 42 гектар алқапта серуендеп, демалатын орындар мен тарихи саябақ, көптеген үлкен ойын-сауық орталықтары.
Бүгінде техниканың дамыған заманында айналаның барлығын ғаламтордың шексіз мүмкіндіктерін пайдаланып жасалынып жатқаны белгілі. Техника адамның жұмысын жеңілдететін шығар, алайда оның да керағар әсері бар. Күнделікті тіршіліктен бір сәт дем алу мақсатында қаладағы гүлзарлар мен саябақтар саны артып жатқандығына тұрғындар дән риза. Мүмкіндік барда ашық орындарды көгалдандырып, айналасын әсемдеп, тұрғындар демалатын орындар дайындалған. Сондай-ақ, бүлбіршіндерге ойын алаңшасы тағы бар. Ал жасөспірімдер мен жастарға спорт алаңшалары да қарастырылған. Тек жастар ғана емес, орта жастағылар да спорттан алыстамауы керек. Мүмкіндікті кеңінен пайдаланған, тұрғындардың денсаулығына таптырмас орта болып тұр.
Айта кетейік, ағымдағы жылы Әл-Фараби ауданында 50 көп қабатты тұрғын үйдің ауласында абаттандыру және балалар ойын алаңшаларын орнату жұмыстары жоспарланған. Қазіргі таңда, абаттандыру жұмыстары 28 аулада жүргізіліп жатыр. Аталған аулаларда тұрғындар демалуына арналған орындықтар мен бастырма, қоқыс жәшігі, балалар ойын элементтері және ересектерге арналған спорт элементтері орнатылуда.
Пікір қалдыру