Шымкент қаласында тазалықты сақтау және қоқыс тасымалдау мәселесі күн тәртібінде тұрған маңызды мәселелердің бірі. Қала тұрғындарының күнделікті тұрмыс-тіршілігінде пайда болатын қоқыстарды жинап, тазалықты сақтау үшін арнайы бірнеше компаниялар жұмыс істейді. Олар қала аумағында қоқыс жинау, тасымалдау және қайта өңдеу жұмыстарына жауап береді.
Шымкент қаласының әкімі Ғабит Сыздықбековтың Абай ауданы тұрғындарымен кездесу барысында, қоқыс тасушы компания жұмысына шағымданғандар болды.
Нақтырақ айтқанда, Ескі Тельман елдімекенінің тұрғыны қоқыс тасушы компаниялар қызмет ақысына тұрғын үйдің әр тұрғын үшін алады. Бірақ, қоқысты 4 қаптан артық әкетпейтінін жеткізді. Жұмыс жүргізудің мұндай тәсілі тұтынушы үшін әділетті емес екенін айтып, шағымданды.
«Негізі бұл жерде тұтынушы мен қоқыс тасушы компания арасында келісім шарт болады. Сол құжатта әр үйден артылатын қоқыс көлемі, қанша адамға қызметақы төленетіні жазылады. Егер, сол келісім шартта көрсетілген жұмыстар орындалмаса, құзырлы органдарға шағымдана аласыздар. Сол себепті, келісім шартқа мұқият болып, оның орындалун тұрғындардың өздері бақылауға алған жөн. Бұл араға әкімдік араласа алмайды. Егер, біз құжатта көрсетілмеген нәрселерді талап етер болсақ, бизнеске қысым жасағанай боламыз»,- деді қала әкімі.
Алайда тұрғындар ондай келісім шартты жасалмағанын алға тарты. Осыған орай, Ғабит Әбдімажитұлы, салаға жауапты басшыларға қоқыс тасымалдаушы компаия өкілдерін тұрғындармен кездстіріп, жиын өткізуді тапсырды.
Мұнан өзге, тұрғындар Ескі Тельман елдімекеніндегі мешіт маңында игерілмей жатқан бос жер бар екенін айтады. Қала әкімінен сол жерді абаттандырып, балалар ойын алаңын саып беруді сұрады.
Қазіргі таңда Шымкент қаласында қалалық тазалық жұмыстарына жауапты 9 қоқыс тасымалдаушы компания жұмыс істейді. Бұл компаниялар тұрғындар мен кәсіпорындардан шығатын тұрмыстық қалдықтарды уақытында жинап, оны белгіленген орындарға шығару үшін арнайы техникалар мен білікті жұмысшыларды тартқан. Қоқыс тасымалдау жұмыстарын ұйымдастырудың басты мақсаты — қала тазалығын сақтау, экологиялық жағдайды жақсарту және тұрғындарға қолайлы өмір сүру ортасын қамтамасыз ету.
Әрбір қоқыс тасымалдаушы компанияның жұмысында өзіндік ерекшеліктері мен қиындығы бар. Олардың басты міндеті — барлық тұрғын үйлердің аумағын, сауда орындарын, қоғамдық кеңістіктерді және басқа да аймақтарды қоқыстардан тазалау. Қала тұрғындары әртүрлі уақытта және әртүрлі көлемде қоқыс шығарады, сондықтан қоқыс жинау және тасымалдау жұмыстарын тиімді ұйымдастыру өте маңызды. Бұл қызметтер күн сайын тұрақты түрде жүргізіледі, әсіресе тұрғын үйлердің маңында, қоғамдық орындарда және көше бойларында.
Қоқыс тасымалдаушы компаниялардың жұмысы қиын әрі көп күш-жігерді талап етеді. Әсіресе, қала аумағында қоқыс жинау барысында ең үлкен қиындықтар қоқыс жинаудың аралықтары мен уақытын дұрыс реттеуге, жолда кездестіретін бөгеттерді (мысалы, көлік кептелістері мен тар көшелер) айналып өтуге байланысты болады. Сонымен қатар, қоқыстардың әртүрлі түрлері мен құрамында кейбір зиянды қалдықтардың болуы да жұмысшылардың денсаулығына әсер етуі мүмкін. Осыған байланысты, барлық қоқыс тасымалдаушы компаниялар экологиялық қауіпсіздік шараларын сақтауға міндетті және жұмыскерлерді арнайы қорғау құралдарымен қамтамасыз етеді.
Тазалық қызметкерлері тек қоқыс жинаумен шектелмейді, олар сонымен қатар контейнерлердің тазалығына, қоғамдық орындардың таза болуына, көше бойындағы қоқыстарды жинауға да жауапты. Мұндай жұмыстарды тиімді орындау үшін әрбір компанияның өзінде қажетті құрал-жабдықтар мен техникалар болуы тиіс. Қалада тазалықты қамтамасыз ету үшін арнайы 700-ден астам қоқыс контейнері орнатылған, оларды күн сайын тазалап, қажет болған жағдайда ауыстырып отырады.
Шымкент қаласының тазалығын сақтау тек коммуналдық қызметтердің ғана емес, әрбір тұрғынның жауапкершілігінде. Тазалыққа қосқан үлесіміз қала экологиясының жақсаруына, сонымен қатар біздің өмір сүру деңгейіміздің артуына үлкен әсер етеді.
Пікір қалдыру