«Amanat» партиясының қалалық филиалының төрағасы Ғаппар Сәрсенбаевпен тұрғындарды жеке мәселелері бойынша қабылдадық.
Алдын-ала жазылу арқылы 10 тұрғынның мәселесін тыңдап, шешімін қарастырдық. Негізгі сұрақтар тұрғын үй, жұмысқа орналасу, қаланы көгалдандыру, коммуналдық шаруашылығы, әлеуметтік сала және жер мәселелері төңірегінде болды.
Мәселен, бір ағамыз №2А қоғамдық көлігін Керейхан көшесіне жүргізуді және жол сапасы мен жанындағы көшенің атауын қоюды сұрайды. Бұл бойынша, биыл әкімдік тарапынан Бірлік тұрғын алқабына қарасты Шәміл Дүрия көшесіне қиыршық тас төсеу жұмыстары жүргізілген. Алдағы уақытта, сарқынды су жүйесінің абоненттік қазба жұмыстары толығымен аяқталғаннан кейін, аталған аумақтағы көшелерге кезең-кезеңімен асфальт төсеу жұмыстары іске асырылады. Сондай-ақ, көше атаулары жазылған тақтайшалар келесі жылы, мердігері анықталған соң, жүргізілетін болады.
Барлық өтініштер уақыт күттірмей қаралып, зерделеуді қажет ететін мәселелер жеке бақылауға алынып, біршамасы шешімін тапты.
Әкімдіктің негізгі міндеті — халықпен сындарлы диалог орнатып, қолайлы жағдай жасау. Осылай тұрғындардың жеке мәселелерін тыңдау арқылы өзекті мәселелерді анықтап, әлеуетін жақсартуға атсалысып, жұмысымызды жақсартудың жүйелі тәсілдерін әзірлейміз.
Айта кетейік, Түркістан қаласының әлеуметтік-экономикалық жағдайы мен дамуы – бүгінгі таңда айрықша назар аударуды талап ететін тақырыптардың бірі. Жуырда ғана қала әкімі Әзімбек Пазылбекұлының төрағалығымен өткен кеңейтілген мәжіліс барысында бұл мәселе жан-жақты талқыланды. Жиналысқа қала әкімінің орынбасарлары, мемлекеттік органдардың басшылары, кәсіпкерлер мен қоғам қайраткерлері қатысты. Мәжіліс барысында Түркістанның экономикалық ахуалы, жоспарлы жобалар мен міндеттер, сондай-ақ, қаланың болашақ дамуы туралы тыңдалды.
Түркістан қаласының әлеуметтік-экономикалық дамуы, жергілікті тұрғындардың әл-ауқатын арттыру, кәсіпкерлік белсенділікті көтеру – бұл мәселелердің барлығы да қала әкімдігі үшін басымдыққа ие. Түркістан – тарихи және мәдени мұрасы мол, туристік әлеуеті зор қала. Сондықтан, жергілікті билік пен қоғамның бірлесе отырып, қала дамуына үлес қосуы, тұрғындардың өмір сүру деңгейін арттыруы маңызды.
Келешекте Түркістан қаласы – тек елдің мәдени-рухани орталығы ғана емес, сонымен қатар экономикалық, туристік, және кәсіпкерлік жағынан дамыған қалаға айналуы тиіс. Бұл жолда әрбір азаматтың үлесі, қоғамдық ұйымдардың белсенділігі және билік тарапынан көрсетілетін қолдау маңызды. Түркістанның болашағы жарқын, әрі тұрғындардың әл-ауқатының артқанына себеп болатын қала боларына сенім мол.
Қала әкімі Әзімбек Пазылбекұлының төрағалығымен көпқабатты тұрғын үйлердің сапасы бойынша жиын өтті. Бұл маңызды шарада құрылыс саласындағы ағымдағы жағдайлар талқыланып, болашақта орын алатын жұмыстардың жоспары анықталды. Жиында құрылыс саласында атқарылып жатқан жұмыстар мен жедел саты […]
Биыл бесінші рет өткен «Voice of Turan-2024» халықаралық қазақ әндері байқауы өз мәресіне жетті. Республика күніне орай Түркістан облысы әкімдігінің қолдауымен ұйымдастырылған халықаралық байқауда Армениядан келген әнші Cюзанна Мелконян гран-при иегері атанды. Екі күн қатарынан […]
Жаңа қала аумағында физика, химия, биология және робототехника кабинеттері заманауи үлгіде жабдықталған 4 қабатты ғаламат мектеп ашылды. Білім алушылардың жан-жақты дамуына барлық жағдай жасалған «Жайлы мектептің» салтанатты ашылуы 25 қазан – Республика күні қарсаңында ұйымдастырылып, […]
Пікір қалдыру