2025 жылғы 4–14 тамыз аралығында Шымкент қаласында Полиция департаменті бастығының нұсқауына сәйкес «Таза қала» профилактикалық іс-шарасы өтті. Оның негізгі мақсаты — қоғамдық тәртіпті нығайту, қала аумағының көркейтілу деңгейін арттыру, сондай-ақ тұрғындардың қорш“Таза қала” акциясы қалаға жаңаша серпін берді»аған ортаға ұқыпты қарау мәдениетін қалыптастыру болды.
Полицейлер күн сайын акимат пен коммуналдық қызмет өкілдерімен бірге көшелерді аралап, абаттандыру ережелерін бұзу деректерін анықтап, жолын кесіп отырды. Олардың назарында инфрақұрылым нысандарын бүлдіру, жасыл желектерді зақымдау, қоқысты рұқсатсыз тастау және саябақтар мен аулалардағы қоғамдық тәртіпті бұзу жағдайлары болды.
Ресми деректерге сәйкес, акция барысында 807 құқықбұзушылық тіркелді. Заңды бұзған азаматтарға қатысты полиция қызметкерлері әкімшілік шара қолданып, түсіндіру жұмыстарын жүргізді. Кейбір жағдайларда айыппұл салынды, алайда басты назар тұрғындарға заң талаптарын түсіндіруге аударылды. Полиция қызметкерлері қала тазалығы мен қауіпсіздігін сақтау әрбір азаматтың міндеті екенін атап өтті.
Сонымен қатар, қаңғыбастықпен немесе қайыршылықпен айналысатын адамдарға ерекше көңіл бөлінді. Мұндай азаматтар қоғамдық орындарда анықталып, арнайы мекемелерге жіберілді, онда оларға әлеуметтік көмек көрсетіліп, қоғамға бейімделу мүмкіндігі жасалды.
Акция шеңберінде профилактикалық есепте тұрған тұлғалар тексеріліп, іздеуде жүрген азаматтардың тұрған жерлері анықталды. Сондай-ақ автожөндеу шеберханалары мен металл қабылдау орындарында да тексерістер жүргізіліп, заңсыз әрекеттердің жолы уақытылы кесілді.
Полиция департаменті басшылығы «Таза қала» іс-шарасы тек белгілі бір уақыт аралығында тәртіп орнатуға ғана емес, сонымен қатар тұрғындардың күнделікті өмірінде тазалық пен тәртіпке бейімділігін қалыптастыруға бағытталғанын атап өтті. «Таза қала — әр азаматтың қолынан басталады. Әркім өз жауапкершілігін сезінсе, көшелеріміз таза әрі жайлы болады», — деді ведомство өкілдері.
Акция 14 тамызда аяқталды, алайда қаладағы тәртіп пен тазалықты сақтау жұмыстары жалғасын тапты. Осындай рейдтер алдағы уақытта да өткізілмек. Полиция қызметкерлері Шымкенттің заманауи, қауіпсіз әрі көркейген мегаполиске айналатынына сенім білдірді.
Пікір қалдыру