Қазақстан Республикасы Президентінің төтенше жағдай мен карантин уақытында тұрғындардың коммуналдық қызметке төлейтін ақысының мөлшерін азайту бойынша жүйелі шаралар әзірлеу туралы тапсырмасы аясында құрылған «Сommunal-komek.kz» электронды порталына 12470 шымкенттік тұрғындардан өтініш түскен.
Айта кету керек, порталда көрсетілген аудандар бойынша байланыс нөмірлеріне аталған көмек бойынша кеңес сұрап 243 тұрғын хабарласқан.
Айта кетейік, төлемді алу үшін тұтынушы «communal-komek.kz» электронды порталына кіріп, онда көрсетілген санатқа енетін азаматтың жеке сәйкестіндіру нөмірін теру қажет. Көмек алушының ЖСН-ін тексерген кейін портал рұқсат берген жағдайда ары қарай жалғастырып, қажетті мәліметтерді (әлеуметтік дәрежеңізді және дербес шот деректеріңізді) енгізесіз.
Сонымен қатар, жауапты мамандар ұсынылған деректерді тексеріп, мәліметтер расталған жағдайда коммуналдық қызметтер тұтынушысының дербес (абоненттік) шотына қаржы аударады. Айта кету қажет, көмек көрсету осы жылдың сәуір және мамыр айларын қамтиды.
Шымкент қаласы әкімінің баспасөз қызметі
Пікір қалдыру