Қаламыздағы «Металлург» стадионы 10 жылдық үзілістен кейін қайта іске қосылды. Тарихы терең нысанды жөндеуге 3 миллиард 800 миллион теңге жұмсалған.
Шымкентте қайта жаңғыртылған «Металлург» стадионы бұқаралық спортты дамытуға серпін беруде. Озық үлгіде жабдықталған нысанға қала әкімі Ғабит Сыздықбеков арнайы барып, аралап көрді.
1980 жылы пайдалануға берілген спорт кешені бүгінде заманауи талаптарға сай жаңартылған. 1504 көрерменге арналған стадионда күрес, бокс, кикбоксинг, футбол, волейбол, баскетбол, гандболға арналған залдар мен 64 орындық қонақ үй қарастырылған.
Айта кетейік, мұндағы құрылыс жұмыстары 2020 жылы басталып, биыл сәуір айында аяқталған болатын. Нысан 1 маусым — Халықаралық балаларды қорғау күні қарсаңында қолданысқа қайта берілді.
Айта кетейік, «Металлург» стадионы 1957 жылы құрылған еді. Нысан Шымкент қорғасын зауытына тиесілі болған. Алайда компания жабылып қалған соң, стадион қараусыз қалды. Сондықтан қала әкімдігі жергілікті бюджеттен қаражат бөліп, қайта жөндеуден өткізді.
Мердігер мекеме – «Югстройсервис-Н» ЖШС. Нысанның құрылысына 60 жұмысшы, 5 техника жұмылдырылған. Құрылысты нақты, сапалы етіп қабылдап алған. Арнайы мамандардан құралған өкілдер тексеріп, оң бағасын берді.
Айта кетейік, спорт кешені өткен ғасырдың 70-жылдары салынған.
Алдағы уақытта стадионда халықаралық, республикалық деңгейдегі түрлі іс шаралар ұйымдастырылатын болады.
Шымкент қаласында 2020 жылы Жаңақұрылыс аумағында орналасқан 7 елдімекенге сапалы ауыз су беріліп, Тассай, Бадам-Бадам-2, Бадам 195 орам, Азат, Достық және Тұран (II кезек) елдімекендерінің тұрғындары қуанышқа кенеліп отыр. Ширатып айтсақ, Бадам 195 орамда […]
Елімізде қалыптасқан жағдайға байланысты Шымкент қаласындағы базарлар мен дүкендер және сауда орындары төлемдерді пост терминалдар арқылы қабылдауды бастады. Бұл өз кезегінде коронавирустың таралуына тосқауыл болмақ. Оған қоса көлеңкелі бизнеситің жолын кеседі. Бұл туралы Ақпараттық-коммуникациялық орталықта […]
Шымкент қаласында 315 өз-өзіне қызмет көрсету бұрыштары бар. Енді осы жұмыс істеп жатқан өз-өзіне қызмет көрсету бұрыштары 2 ГИС-те. Бұл тұрғындар үшін қолайлы және тиімді болмақ. Мемлекеттік қызмет жүйесін электронды форматта жетілдіру және оған азаматтардың […]
Пікір қалдыру