Қазіргі таңда еліміздің үшінші мегаполисі Шымкент қаласындағы Әл-Фараби ауданы аумағында жалпы 672 көпқабатты тұрғын үй, 2244 кіреберіс алаңы және 400 ойын алаңы бар. Күні бүгінге дейін көпқабатты тұрғын үйлердің аулаларын және кіреберістеріне және басты көшелер мен ішкі орамдық көшелердің тоқсан пайызына дезинфекция жұмыстары жүргізілді.
Сонымен қатар, заласыздандыру жұмыстарын бекітілген кестеге сәйкес арнайы мамандар жүргізіп жатқанын айта кеткен жөн. Жұмылдырылған азаматтар арнайы техникамен, қорғаушы костюм және арнайы шашушы құралдармен қамтамасыз етілген. Аталған жұмыстар кестеге сәйкес, күнделікті жалғасып жатыр.
Осы орайда, аудан тұрғындары тарапынан дезинфекция жұмыстары бойынша қосымша сұрақтар болса, шұғыл аудан әкімі аппаратының 54-96-54 кезекші телефонына хабарласу керектігін хабарлайды. Айта кету қажет, әлеуметтік желідегі alfarabi.shymkent (Инстаграм парақшасы) және Әл-Фараби Ауданы Әкімінің Аппараты (Фейсбук парақшасы) парақшалары арқылы тұрғындар өтініштері мен пікірлерін білдіре алады.
Шымкент қаласы төтенше жағдай жөніндегі штабы
Пікір қалдыру