Шымкентте кезекті сенбілік өтуде. Айта кету керек, шаһарда әр сенбі сайын сенбілік ұйымдастыру дәстүрге айналған.
Туған жерімізді сүю керек деген тәмсілді жастарға ұрандап келеміз. Сол жерімізге құрмет пен махаббат тазалықтан басталады. Айналамызды тазалап, өзгені де сол қағидатқа үгіттейтін болсақ, адам бойына қалыптасып қалады. Ал әрбір адамның жүрегінде өз жеріне деген ерісіз махаббат пен жауапкершілік пайда болады.
Соданда болар сенбілікке қатысушылардың саны артып келеді. Бұл, әрине құптарлық іс. Қала бәрімізге ортақ болғандықтан, қала тазалығы бәріміз үшін маңызды. Сондықтан тазалық мәселесінде алдымен әрбір тұрғын өзі тұрған жердің тазалығына мән берсе, тазалық сақталады. Сонда барып аула тазарады. Ал ауланың тазалығы қаланың тазалығы, қаланың тазалығы- сананың тазалығы.
Бүгінгі кезекті сенбілікке қала әкімі аппаратының, мәслихат депутаттары, Қоғамдық кеңес мүшелері, әкімдікке қарасты барлық салалық басқармалардың, аумақтық органдардың, мемлекеттік және жеке меншік мекемелердің қызметкерлері, кәсіпкерлер, қоғам белсенділері, БАҚ өкілдері мен ерікті жастар қатысып жатыр.
Солардың қатарында «Ақпараттық-коммуникациялық орталығының» қызметкерлері де бүгінгі күнгі сенбілікке атсалысуда.
Олар өздеріне бекітіліп берген Желтоқсан көшесі, яғни Темірлан тас жолынан Сайрам көшесіне дейін аралықта көше бойларын, арық ішін қоқыстардан тазартты.
Әр апта сайын сенбілікке шығып жүрген орталық қызметкерлері таза орта қалыптастыру тазалаудың емес, тазалық сақтаудың нәтижесінде жүзеге асатынын жақсы біледі.
Айта кетейік, Шымкент қаласы әкімдігінің қалалық жайлы ортаны дамыту басқармасы тұрғындарды шаһар тазалығын сақтауға, көпқабатты тұрғын үйлердің ауласын, үй маңы мен көше бойларын таза ұстауға шақырады.
Сондықтан, тек сенбілікте ғана емес күнделікті өмірде де сүйікті қаламыздың тазалығына баршамыз үлес қосайық!
Табиғат — бұл бізді қоршаған орта. Қоршап тұрған ортаның таза да көрікті болуы әрқайсымызға тығыз байланысты. Табиғатта өте тамаша бір қасиет бар. Оның өзі бөліп шығарған қалдықтардан адамдардың көмегінсіз-ақ өзін-өзі тазартып алады екен, ал адам […]
Елімізде «Таза бейсенбі» экологиялық акциясы басталды. Президенттің «Таза Қазақстан» жалпыұлттық бастамасы аясында «Amanat» партиясы бұл акцияны әр бейсенбі сайын ұйымдастыруды жоспарлап отыр. Бүгін партияның 12 мың мүшесі мен «Жастар рухы» жастар қанатының белсенділері республика бойынша […]
Жетісай ауданының әкімі Серік Үсенұлы Мамытовтың тапсырмасымен «Таза Қазақстан» республикалық экологиялық акциясы аясында қала, кент және барлық ауылдық округтерде ауқымды сенбіліктер ұйымдастырылды. Негізгі тазалық жұмыстары Қызылқұм, Ж.Ералиев және Ш.Ділдәбеков ауылдық округтерінің аумағынан өтетін Шардара су […]
Пікір қалдыру