Полиция қызметкері – халықтың қорғаны. Қоғамдық қауіпсіздіктің кепілі. Еліне қызмет, жұртына қорған болар қызмет иелері жаңа ғимаратқа кірді.
ҚР Ішкі істер министрі Ержан Саденов жұмыс сапарымен Түркістан облысына келді. Ол Түркістан облысының әкімі Дархан Сатыбалдымен бірге өңірлік полицияның жаңа ғимараттарын ашты.
Алдымен 100 мыңнан астам тұрғыны бар Сауран ауданында жаңа полиция ғимаратының ашылу рәсімі өтті. Үш қабатты нысанның жалпы ауданы 4 мың шаршы метрден асады. Ғимаратта жұмыс істеуге қолайлы жағдай жасалған. Онда азаматтарды қабылдау және тиімді қызмет ету үшін қажетті барлық заманауи жабдықтар қарастырылған.
Министр тарихи өлкеде қызмет атқарып, тұрғындардың тыныштығын сақтауға үлес қосып жүрген «Ұлттық ұлан» әскери қызметшілерінің қызметімен танысты. Тәуелсіздік жылдары Түркістан облысында қызметтік міндеттерін атқару кезінде 60-тан астам полиция қызметкері қаза тапқан. Олардың ерлігі ешқашан ұмытылмайды. Осы мақсатта департамент жанына ескерткіш орнатылды. Министр Ержан Саденов пен облыс әкімі Дархан Сатыбалды ескерткішке гүл шоқтарын қойып, бір минут үнсіздікпен батырларды еске алды. Сонымен қатар қонақтарға жаңа арнайы техника көрсетілді.
Ведомство басшысы жергілікті тәртіп сақшыларын жаңа жұмыс орындарымен құттықтап, бірқатар маңызды міндеттер жүктеді. Соның ішінде цифрлық технологияларды қолдану аясын кеңейту және жұмыс процестерін оңтайландыру бар. Одан бөлек қызметтік тәртіпті нығайтуға баса назар аударды. Полиция генерал-лейтенанты жаңадан ашылған қызмет көрсету орталығына барды. Орталықта бір уақытта 50 адамға қызмет көрсету мүмкіндігі қарастырылған. Мұнда полиция жұмысына қатысты халықтың мәселелері жедел қаралады.
Мемлекет басшысы Қасым-Жомарт Тоқаевтың 2023 жылғы 1 қыркүйектегі «Әділетті Қазақстанның экономикалық бағдары» атты Қазақстан халқына Жолдауында стратегиялық маңызы бар міндеттің бірі – көлік-логистика саласының әлеуетін толық пайдалану екенін атап өтті. «Стратегиялық маңызы бар міндеттің бірі […]
Қазіргі таңда Түркістан облысында халықты жұмыспен қамту шаралары қолға алынған. 2023 жылдың қорытындысымен облыстың даму жоспарындағы индикаторлық көрсеткіштер орындалды. Оның ішінде 130 мыңнан астам жұмыс орны ашылды. Бұл туралы бүгін облыс әкімі Дархан Сатыбалдының төрағалымен […]
Түркістан облысының әкімі Дархан Сатыбалды Отырар ауданына жұмыс сапарымен барып, әлеуметтік маңызы бар нысандардың құрылыс барысын пысықтады. Өткен жылы іске асқан ауқымды жұмыстар ағымдағы жылы да жалғасын табады деп күтілуде Алдымен, өңір басшысы Шәуілдір ауылында […]
Пікір қалдыру