Түркістан облысында рекордтық өнім – 3,3 миллион тонна көкөніс жиналды. Жалпы, ауыл шаруашылығы өнімдерінің көлемі 1 триллион теңгеден асып, бұл өңірдің осы көрсеткіш бойынша республикада көш бастауына мүмкіндік берді. Облыстың басқа салаларында да өсу динамикасы байқалады.Бұл өткен жылдың стаисткалық көрсеткіші. Ал, биылғы жылы да өңірімізддің әлеуметтік және шаруашылық дамуын бағамдап көрейік.
2024 жылдың 6 айының қорытындысы бойынша Түркістан облысының әлеуметтік-экономикалық дамуында оң өсім бар. Бұл туралы Түркістан облысының әкімі Дархан Сатыбалдының төрағалығымен өткен аппараттың апталық мәжілісінде айтылды. Өңір басшысы аудан, қала әкімдері мен жауапты басқармаларға инвестиция тарту, өндіріс орындарын ашу бағытындағы жұмыстарды жандандыра түсу керектігін ескертті.
– Мемлекет басшысы биыл экономиканың 6% өсімін қамтамасыз етуді тапсырған болатын. Үкімет тарапынан арнайы жоспар түзіліп, негізгі көрсеткіштер бойынша жоспар айқындалған. Барлық аудан, қала әкімі мен басқарма басшылары өздеріне бекітілген индикаторларды орындауы тиіс. Бұл мәселені екі аптада бір рет тұрақты түрде талқылауды тапсырамын. Жұмысты жандандырыңызыдар. Бір ғана кәсіпорын немесе зауытқа қарап отыра беруге болмайды. Көрсеткіштер төмендеген аудан, қала басшыларының сылтаулары қабылданбайды. Жаңа кәсіпорындар ашу, инвестиция тарту бағытында жұмысты күшейтіңіздер, – деді Дархан Сатыбалды.
Облыстық экономика және бюджеттік жоспарлау басқармасының басшысы Қанат Қайыпбек облыстың әлеуметтік-экономикалық дамуы көрсеткіштерінің биылғы жартыжылдық қорытындысын баяндады.
Биылғы І тоқсан қорытындысымен облыстың жалпы өңірлік өнім көлемі 927,6 млрд. теңгені құрап, өсім +3,7% деңгейінде қалыптасты. Ал жоғарыда аталған көрсеткіштер бойынша жедел мәліметтер негізінде өткен жылдың 6 айымен салыстырғанда қысқа мерзімді экономикалық өсім 106,5%-ды құрады. 6% экономикалық өсімді қамтамасыз ету бойынша тиісті салалық басқармалар мен департаменттерден Өңірлік жедел штаб құрылған. Үкіметпен айқындалған 6 ай жоспары бір-екі саладан басқа бағыттарда толық орындалды. Өнеркәсіп өнім көлемі 551,6 млрд. теңгені құрап, өсім 106,8% деңгейінде болды. Өнеркәсіп құрылымында негізгі үлес уран өндірісіне тиесілі. Саладағы өсім тау-кен өндірісінде – 103,1% (Созақ – 123,6%), тамақ өнімдері – 105,3% (Қазығұрт – 127,6%), жеңіл өнеркәсіп – 113,3% (Жетісай – 148,7%), құрылыс заттары – 108,2% (Түркістан – 119,9%), машина жасау – 119,2% (Ордабасы а/ш тракторын құрастыру – 2 есе), жиһаз – 2 есе (Түркістан – 2 есе) байқалды.
Құрылыс жұмыстары көлемі 181,1 млрд. теңгеге жетіп, 23,8%-ға артты. Өсім жекеменшік нысандардың құрылыс-монтаждау жұмыстары есебінен тіркеліп отыр (үлесі 99%). Құрылыс жұмыстарының негізгі үлесі Түркістан қаласы (55%) және Созақ (6,4%), Бәйдібек (5,5%) аудандарына тиесілі. Пайдалануға тапсырылған тұрғын үйлер алаңы 20,2%-ға өсіп, 371 мың шаршы метрді құрады. Барлық аудан, қалада оң өсім қалыптасты.
Облыс әкімінің тапсырмасымен тоқсан сайын әлеуметтік-экономикалық даму индикаторлары бойынша рейтингтік бағалау жүргізілуде. Жалпы ІІ тоқсан қорытындысымен 36 индикатордың 32-не қол жеткізілді. Бағалау қорытындысымен Бәйдібек, Сауран, Шардара аудандары үздіктер қатарынан табылды.
Мәжілісте аудан, қала әкімдеріне және салалық басқарма басшыларына биылға межеленген жоспарға қол жеткізу мақсатында барлық тиісті шараны қабылдау жөнінде нақты тапсырмалар берілді.
э Ағымдағы жылдың 8 айының қорытындысымен Түркістан облысының негізгі капиталына бағытталған инвестиция көлемі 260 млрд.тенге құрады. Былтырғы жылдың тиісті кезеңімен салыстырғанда 28%-ға өскен. Аталған соманың 41,5%-н жеке инвестициялар құрап отыр. Бұл туралы Өңірлік коммуникациялар қызметінде […]
Елімізде жалпы Түркістан облысының ауыл шаруашылық өнімдерінің алар орны ерекше. Себебі, ауыл шаруашылық өнімінің басым бөлігі оңтүстік аймақтан шығады. Сондықтан да жәрмеңкені алғашқы боп Түркістан бастайды. Ақмола облысында Түркістан өңірінің агротуризм және экотуризм бағыты бойынша […]
Еліміздің әрбір азаматының болашағы — отбасында көрген тәрбиесінен басталады. Шағын мемлекетті қолдау, қорғау азаматтық борыш екені анық. Түркістан облысында отбасын қолдауға, нығайтуға және қорғауға бағытталған «Отбасын қолдау секторлары» қызметі іске қосылған. Секторлар облыстың 10 аудан, […]
Пікір қалдыру