Жетісай ауданы, Қызылқұм ауылдық округіне қарасты Датқа елді мекенінде Түркістан облысы Төтенше жағдайлар департаменті «Өрт сөндіру және авариялық-құтқару жұмыстары қызметі» республикалық мемлекеттік мекемесінің №42 өрт сөндіру бекеті ашылды.
Ғимараттың ашылу салтанатына Жетісай ауданының әкімі Серік Үсенұлы Мамытов пен Түркістан облысы Төтенше жағдайлар департаменті бастығының орынбасары, азаматтық қорғау полковнигі Сарбатов Әскер Сексенқалиұлы, төтенше жағдай саласының ардагерлері мен аудандық бөлімнің жеке құрамы, ауыл тұрғындары қатысты.
«Жаңа өрт сөндіру бекетінің ашылуы – төтенше жағдайларды жоюда, өрт сөндіру қызметінің жеделділігін, тиімділігін арттыруда үлкен рөл атқаратыны сөзсіз.
Мемлекеттің басты басымдығы мен төтенше жағдайлар департаменті бөлімшелерінің негізгі міндеті – ең алдымен аймақты өрттен қорғау, сөндіру және авариялық-құтқару жұмыстарын қамтамасыз ету болып табылатыны баршамызға аян. Осы бағыттағы қажырлы еңбектеріңізге сәттілік, дендеріңізге саулық тілеймін!» деген аудан басшысы жұртшылықты өрт сөндіру бекетінің ашылуымен құттықтады.
Салтанатты лента қию рәсімінен соң қонақтар өрт сөндіру бекетінің ішін аралап көрді. Қызылқұм, Абай, Мақталы және Атамекен ауылдық округтерінің 40 мыңға тарта тұрғынның өрт қауіпсіздігін қамтамасыз етуге деген қажеттіліктен туындаған өрт сөндіру бекетін іске қосу үшін соңғы бірнеше жылда пайдаланылмай тұрған ғимаратқа күрделі жөндеу жүргізілген. Арнайы байланыс құралдарымен, демалыс бөлмесімен және оқу-жаттығу кабинетімен жабдықталған бекетте 2 өрт сөндіру автокөлігі, 13 өрт сөндіруші қызмет атқаратын болады.
Айта кетейік, бұған дейін аудандағы 2 өрт сөндіру бекетінде 5 техника мен жеке құрамда 70 қызметкер қызыл жалынды ауыздықтап келген еді.
Жыл басынан бері тұрғындарға 167 әлеуметтік тұрғын үйдің кілтін табысталған ауданымызда жыл соңына дейін тағы 90 пәтердің кілтін тапсыру жоспарланып отыр. Нақтырақ айтар болсақ, бүгінде Асықата кентінде 3 қабатты 54 пәтерлі, Қазыбек би ауылдық округі […]
Атом электро станция — электр энергиясының көзі. Елдің энергетикалық қауіпсіздігі-мемлекет экономикасының тұрқты дамуының және тұрғындардың сапалы өмірінің кепілі. Қазақстанда атом электростациясын салу мәселесін энергетиктер бір неше жылдан бері талқылап келеді. Мемлекет басшысы Қ.Ж.Тоқаев, атом электро […]
Жетісай ауданы әкімдігінің үлкен мәжіліс залында аудан әкімі Серік Үсенұлы Мамытов аудан тұрғындарын жеке мәселелері бойынша қабылдады. Қабылдауға аудан басшысымен қатар орынбасарлары, аппарат басшысы мен қала, кент, ауылдық округ әкімдері, аудандық мәслихат төрағасы Медет Қасымов […]
Пікір қалдыру