Шымкент қаласының әкімі Ғабит Сыздықбековтің төрағалығымен өткен аппараттық мәжілісте коммуналдық қалдықтарды басқарудағы өзекті мәселелер, жаңа жұмыс орындарын құру жоспарының қорытындысы мен санитариялық-эпидемиологиялық ахуал талқыланды.
Қалалық жайлы ортаны дамыту басқармасының басшысы Ә. Оңғар тақырып аясында баяндама жасап, коммуналдық қалдықтарды басқарудағы өзекті мәселелерге тоқталды. Қала басшысы жауаптыларға шетелдік компаниялардың тұрмыстық қатты қалдықтарды сұрыптау және қайта өңдеу зауытын салу ұсыныстары бойынша тиісті жұмыстарды жүргізуді тапсырды.
Жұмыспен қамту және әлеуметтік қорғау басқармасының басшысы Ж.Өтебаева жаңа жұмыс орындарын құру жоспарының орындалуын баяндады. Жұмыссыздық деңгейін төмендету мақсатында биыл 56 962 адамды жұмыспен қамту шараларына қатыстыру жоспарланып, осыған дейін 32 300 адам қатысып, жоспар 57% орындалып отыр. 26 482 адамды іске асырылып отырған тұжырымдамалар, даму бағдарламасы және азаматтардың жеке бастамасымен құрылған жаңа жұмыс орындарына жұмысқа орналастыру жоспарланған, нақты 13 102 адамға орындалып отыр. Қала әкімі сала басшысына жұмыспен қамту шараларын тиісті басқармамен бірлесе атқарып, инвестициялық жобаларда құрылатын жаңа жұмыс орындарына жергілікті азаматтарды тартуды ұйымдастыруды тапсырды.
Жиында жылу маусымына дайындық шаралары пысықталып, өзекті мәселелер бойынша шешімдер қабылданды. Аудан әкімдеріне халыққа қолайсыздық туғызатын жағдайларды алдын алу бойынша тапсырма берілді.
— Әр әкім өз ауданындағы жағдайдан хабардар болып отыруы керек. Қай жерде қандай жұмыстар атқарылып жатыр, қай жерде қандай проблема бар, үнемі қадағалау керек. Аудан аумағындағы кез-келген жағдайға жауапты болуы тиіс — деді Ғ.Сыздықбеков.
Сондай-ақ мәжілісте тұрғын үй қорын жаңғырту бағытындағы жұмыстарды жүргізуде де сала басшысына нақты тапсырмалар берілді.
Шымкент қаласында 2025–2026 жаңа оқу жылының басталуына байланысты полиция қызметкерлері мектептердің маңында қоғамдық тәртіп пен жол қозғалысы қауіпсіздігін қадағалауды күшейтеді. Бұл шешім балалардың жолдан өту кезінде қауіпсіздігін қамтамасыз етуге және жол-көлік оқиғаларының алдын алуға бағытталған. […]
Шымкент қаласы Полиция департаментінде жеке құрам қызметкерлері үшін ерекше форматтағы іс-шара өтті. Мақсат – ұжымдағы моральдық-психологиялық климатты жақсарту, қызметкерлердің ішкі мотивациясын дамыту және командалық рухты нығайту. Осы мақсатта «Мүмкіндіктер дөңгелегі» деп аталатын тренинг-ойын ұйымдастырылды. Бұл […]
Бұл жөнінде Шымкент қалалық денсаулық сақтау басқармасының басшысы Нұрлыбек Асылбеков, өзінің «фэйсбуктегі» парақшасында жазды. Шымкент қалалық №1 клиникалық аурухана – мегаполистегі ірі көпбейінді аурухана. Мұнда жоғары технологиялық медициналық қызмет көрсету сапасы уақыт талабына сай дамып […]
Пікір қалдыру