Қоршаған ортаны қорғау мәселесі қазіргі қоғамда ерекше маңызға ие. Қалалардың экологиялық жағдайы мен тазалығы тек көріктілігін ғана емес, сонымен қатар тұрғындардың денсаулығы мен өмір сүру сапасын анықтайды. Осы себепті, қала әкімдігінің қолдауымен Шымкент қаласында өтетін «Таза Қазақстан» республикалық экологиялық акциясы аясында ұйымдастырылған сенбіліктер жыл сайын қаланың көркі мен тазалығына үлес қосып келеді.
Шымкентте өткен кезекті сенбілік — қала тұрғындары мен мемлекеттік мекемелердің бірлесе жұмыс істеуінің айқын көрінісі болды. Сенбілікке қала әкімі аппаратының қызметкерлері, мәслихат депутаттары, Қоғамдық кеңес мүшелері, барлық салалық басқармалар мен аумақтық органдардың қызметкерлері, мемлекеттік және жеке меншік мекемелердің өкілдері, кәсіпкерлер, қоғам белсенділері, БАҚ өкілдері, сондай-ақ ерікті жастар қатысты. Бұл шараны өткізу арқылы экологиялық мәдениетке ерекше көңіл бөлініп, табиғатқа деген қамқорлықты арттыру көзделді.
Сенбілік барысында Желтоқсан көшесі, яғни Темірлан тас жолынан Сайрам көшесіне дейінгі аралықтағы көше бойлары мен арық ішіндегі қоқыстар мен қалдықтар тазартылды. Сонымен қатар, қоғамдық орындардағы қоқыс алаңдары да ретке келтіріліп, қала ортасының таза әрі әдемі болуы қамтамасыз етілді.
Сенбілікке қатысушылар арасында «Ақпараттық-коммуникациялық орталығының» қызметкерлері де белсенді түрде атсалысты. Олардың негізгі мақсаты — қала тазалығына өз үлестерін қосу ғана емес, сонымен қатар қоғамды тазалық мәдениетіне тәрбиелеу, экологиялық сана мен жауапкершілікті арттыру болды. Орталық қызметкерлері өздеріне бекітілген аумақта қоқыс тазалаумен шектелмей, тұрғындарға табиғатқа деген құрмет пен қамқорлықты насихаттау жұмыстарын да жүргізді.
«Таза Қазақстан» бастамасы аясында өткен сенбілік, барша қатысушыларды табиғатқа жақындатып, әрбір адамның өзінің қоршаған ортасына жауапкершілікпен қарауы қажеттігін тағы да бір дәлелдеді. Әсіресе, жас ұрпақтың экологиялық тәрбие алуында осы сияқты шаралардың маңызы зор. Таза орта қалыптастыру тек тазалау жұмыстарынан тұрмайды, бұл — ұзақ мерзімді нәтижеге қол жеткізу үшін тазалықты сақтау да маңызды.
Шымкент қаласының ішкі саясат басқармасы жыл сайын сенбіліктерді ұйымдастырып, қаладағы экологиялық жағдайды жақсарту бағытында жұмыстарды үнемі жүргізіп келеді. Биылғы сенбілікте Шымкенттің ішкі саясат ұжымы өте белсенді болып, өздеріне тиесілі аумақтарды тазалауға ерекше көңіл бөлді. Әрбір басқарма мен бөлімнің қызметкерлері өздеріне тапсырылған аумақты таза ұстап, қаланың көркін сақтауға атсалысты.
Сенбілік барысында қала тазалығына ерекше назар аударылып, тұрғындарға табиғатқа деген қамқорлықты арттыруға шақыру жүргізілді. Ішкі саясат басқармасының ұжымы, әсіресе, экологиялық мәдениет пен тазалық мәселелерін насихаттауға баса назар аударды. «Тазалық — табалдырықтан басталады» деген ұранмен өтіп жатқан шаралардың басты мақсаты — әрбір адамға өз ауласын таза ұстаудың маңыздылығын түсіндіру. Тек сондай жолмен ғана қаладағы тазалықты сақтауға және экологиялық мәдениетті қалыптастыруға қол жеткізуге болады.
«Таза Қазақстан» акциясы аясындағы сенбіліктер, әсіресе жастар үшін үлкен маңызға ие. Қоғамдық іс-шараларға қатысудың арқасында жастар табиғатқа, қоршаған ортаға деген жауапкершілігін сезініп, осы тақырыпта өздерінің азаматтық ұстанымдарын қалыптастырады. Жас ұрпақты экологиялық тәрбие мен тазалыққа баулу, олардың бойында қоршаған ортаны қорғау сезімін тәрбиелеу — өте маңызды міндет.
Тазалық сақтау, әсіресе, қалада тұратын адамдар үшін маңызды. Өйткені қала өмірінің сапасы мен денсаулығы оның экологиялық жағдайына тікелей байланысты. Сондықтан әрбір азамат өз ауласын ғана емес, қала көшелерін, саябақтар мен қоғамдық орындарды да таза ұстауға жауапты. Бұл тек физикалық тазалықты қамтамасыз етіп қана қоймай, экологиялық сана мен мәдениетті қалыптастыруға да әсер етеді.
Шымкенттегі сенбілік акциясы қоғамның экологиялық мәдениетінің қалыптасуына ықпал етуде. Осы сияқты шаралар арқылы қала тазалығы мен экологиялық мәдениетті сақтауға болады. Қала тұрғындарының, мемлекеттік органдардың, жеке мекемелер мен кәсіпкерлердің бірлескен жұмысы нәтижесінде Шымкентіміздің келбеті ғана емес, экологиялық ахуалы да жақсарады.
«Таза Қазақстан» акциясы аясындағы сенбіліктер болашақ ұрпаққа экологиялық жауапкершілік пен табиғатқа қамқорлықтың маңыздылығын ұқтырып, оларды осындай шараларға белсене қатысуға шақыруда. Ал, біз әрқайсымыз өз үлесімізді қосып, таза, әдемі, әрі экологиялық тұрғыдан сау қала құруға атсалысуымыз керек. Тек бірлескен күш-жігердің арқасында ғана қаламыздың тазалығы мен экологиялық жағдайын сақтап, оны келер ұрпаққа аманат ете аламыз.
Пікір қалдыру