ҚР Президенті жанындағы мемлекеттік басқару академиясында түркістандық жас мемлекеттік қызметкерлері мен қала әкімі Әзімбек Пазылбекұлының арнайы кездесу жиыны өтті. Жиында Түркістан қаласының әкімі өзінің мемлекеттік қызметтегі тәжірибесімен бөлісіп, жас қызметкерлердің сауалдарына жауап берді.
Бүгінгі таңда өңірімізде Мемлекет басшысы Қасым-Жомарт Тоқаев атап көрсеткен меритоктария қағидасына аса үлкен мән беріліп келеді. Мемлекеттік қызметшілердің орташа жасы – 40 жас, еңбек өтілі 11 жылды құрап отыр. Бұдан бөлек, мемлекеттік қызметте еңбек етіп жүрген жастардың үлесі айтарлықтай күн сайын артып келеді.
Сондай-ақ, жиында Президент жанындағы Мемлекеттік басқару академиясының жастарға беретін мүмкіндігі мен «Өңірлік кадрлық саясат» бағытында атқарылып жатқан жұмыстар, қалалық әкімдіктегі тәжірибе алмасу мүмкіндіктері мен жаңашылдықтар туралы айтылды.
Елдің өркендеуі, халықтың әл-ауқатының артуы мемлекеттік қызметшілердің еңбегіне тікелей байланысты. Дамыған елдердің тәжірибесі көрсеткендей, бәсекеге қабілеттілікті арттыруда мемлекеттік аппараттың кадрлық әлеуетінің жоғары болуы өте маңызды.
Мемлекеттік қызмет қашанда мінсіз болуға тиіс. Себебі мемлекеттік қызметшілер — билік пен қарапайым бұқара халықтың арасын жалғайтын алтын көпір. Сондықтан олар халықтың сенімін ақтап, Отанға адал қызмет етулері керек.
Қазіргі таңда елімізде мемлекеттік қызметшілердің білім-біліктілігімен қатар, жеке қасиеттеріне де жіті көңіл бөлінуде. Бұл — уақыттың көші жылжыған сайын мемлекеттік қызметшілерге қойылатын талаптардың барынша күшейтіліп келе жатқандығын көрсетеді. Бұл мемлекеттік қызмет сапасының артуына зор серпін береді.
Жуырда өз мәлімдемесінде ел Президенті Қасым-Жомарт Тоқаев мемлекеттік басқару саласы кешенді реформалауды қажет ететінін, бүгінгі күні халықтың мемлекеттік билік институттарына деген сенімі төмен екендігін ашық айтқан-ды.
Түркістанда Халық қаһарманы Рақымжан Қошқарбаевтың 100 жылдығына орай мерекелік іс-шара өтті. Салтанатты шараға облыс әкімінің орынбасары Ертай Алтаев, басқарма және департамент басшылары, азаматтық қоғам институттарының өкілдері, әскери бөлім сарбаздары, «Жас сарбаз» әскери-патриоттық клубтарының тәрбиеленушілері қатысты. […]
Түркістан облыстық «Farab» әмбебап ғылыми кітапханасында Түркістан қалалық Мәдениет үйінің қайта құрылған «Яссы» халықтық этно-фольклорлық ансамблі мен «Яссы» халықтық би ансамблінің 1 жылдығына арналған «Алтын қазыналы жыл» шығармашылық концерті ұлттық нақышта жоғары деңгейде аншлагпен өтті. […]
Түркістанда «Күлтөбе қалашығы» ашық аспан астындағы археологиялық мұражай паркін құрудың жалғасы ретінде заманауи сандық технологиялар арқылы ежелгі заманға саяхат жасауға мүмкіндік беретін нысандар салынады. Бұл туралы Түркістан облысы әкімінің баспасөз қызметі хабарлады. Қызықты әрі маңызды […]
Пікір қалдыру