Шымкент қаласы білім басқармасына қарасты №86 жалпы орта білім беретін мектептің ұжымы «Қазан айы – тәуелсіздік және отаншылдық айы» ұйымдастырылған. 2024-2025 оқу жылына арналған жұмыс жоспарына сәйкес, «Біртұтас тәрбие» бағдарламасын жүзеге асыру мақсатында «Еңбегі адал жас өрен» жобасын іске асырды. Бұл жоба аясында мектеп парламенті мен оқушылар «Қамқор» волонтерлік қызметін ұйымдастырып, қарт ата-аналарға көмек көрсетті. Шараның негізгі мақсаты – оқушыларды еңбекқорлыққа, жоғары адамгершілік қасиеттерін дамытуға тәрбиелеу, сондай-ақ, өз елінің патриоты болуға баулу.
Жобаның мәні мен маңызы өте зор. Бұл бастама еліміздің болашағы – жас ұрпаққа еңбекке деген құрметті, адалдықты және жауапкершілікті дәріптеу мақсатында жүзеге асырылды. Қазіргі кезде қоғамда жастардың теріс әдеттерге, уақытын бос өткізуге, әлеуметтік жауапкершіліктен қашуға бейім екендігі байқалады. Сондықтан мектеп ұжымы жастардың бойында адамгершілік пен адал еңбекке деген көзқарасты қалыптастыруды мақсат етіп, осындай игі шаралар ұйымдастырып келеді.
«Еңбегі адал жас өрен» жобасының аясында ұйымдастырылған «Қамқор» волонтерлік қызметі оқушыларға үлкен жауапкершілік жүктейді. Мектеп парламенті мен оқушылар мектеп аумағында ғана емес, мектепке жақын маңдағы қарттардың үйлеріне барып, оларға көмек көрсетті. Олар үй ауласын жинап, тазалық жұмыстарын жүргізді, сондай-ақ, қарттардың қажеттіліктерін тыңдап, олардың көңіл-күйін көтерді. Бұл жастар үшін нағыз тәрбиелік мәні бар тәжірибе болды. Көмек көрсету барысында жасөспірімдер үлкендерге құрмет көрсетіп, олардың өтініштері мен тілектерін орындау арқылы үлкендерге деген қамқорлықтың маңыздылығын түсінді.
Қаламызда Президенттің бастамасымен қолға алынған «Таза Қазақстан» экологиялық акциясы аясында әртүрлі шаралар ұйымдастырылуда. Айта кетейік, жыл басында тазалық акциясының аясында бірнеше бөлімдерге бөлінген болатын. Олардың бірегейі «Өнегелі ұрпақ» патриоттық шарасы. Ол кезде де жастардың үлкен кісілердің үйіне барып, ауласын жинап, әктеп-сырлауға көмектескен болатын. Білім ордасының бүгінгі бастамасы яғни, «Қамқор» волонтерлік қызметі осы акцияның жалғасы болып табылады. Бүгінгі шарада оқушылар қарттарға көмектесе отырып, «Таза Қазақстан» акциясының мақсатына қолдау көрсетті.
Бұл бастама оқушыларды тек экологиялық емес, сонымен қатар әлеуметтік жауапкершілікке тәрбиелейді. Олар өз елінің болашағына жанашыр болып, қоғамдағы өз орнын дұрыс түсінуі үшін мұндай тәжірибе өте маңызды. Жастардың қоғамға пайдалы жұмыстарға қатысуы олардың тұлғалық және адамгершілік тұрғысынан өсуіне ықпал етеді. Бұл жұмыстардың нәтижесінде олар тек өздеріне емес, сонымен қатар қоғамға да пайда әкелетініне көз жеткізеді.
«Өнегелі ұрпақ» жобасы аясында оқушылар қарт адамдардың үйлеріне барып, ауласын жинап, олардың күнделікті шаруаларында көмек көрсетіп, үлкендермен әңгімелесіп, олардың өмір тәжірибелерін тыңдады. Бұл шаралар жас ұрпақтың қарттарға деген құрметін арттырып, олардың әлеуметтік жағдайын жақсартуға бағытталды.
Мектепте тек үлкен кісілерге ғана емес, сондай-ақ өз ауламызға да тазалық жұмыстарын жүргізу әдетке айналған. Оқушылар мен ұстаздар бірлесіп, мектеп ауласын таза ұстап, қоқыстарды жинап, гүлдер мен ағаштарды күтіп-баптау жұмыстарын жүргізеді. Олар мектеп маңындағы көшелерді де тазартуды өз міндеті деп санайды. Осылайша, мектеп ұжымы өз балаларын тек жақсы біліммен ғана емес, сонымен қатар жақсы адамгершілік қасиеттермен де тәрбиелейді. Әрбір тазалық шарасына қатысқан оқушы бұл жұмыстардың маңыздылығын түсініп, өздері де үлкендерге көмектесуге дайын болатынын көрсетеді.
Шымкент қаласы №86 жалпы орта білім беретін мектептің оқушылары бұл шараға белсене қатысып, үлкендерге көмек көрсету арқылы адал еңбек пен өзара құрметтің маңыздылығын сезінді. Оқушылардың бірі: «Тазалық барлық жерде керек дүние. Оны өзіміз жасамасақ, кім жасайды? Ойын ойнап, телефон көргенше, осындай жақсылықтар жасауға тырысайық. Біз үлкендерге көмектесу арқылы олардың батасын аламыз», – деп өз пікірін білдірді. Бұл сөздерден жастардың қоғамға деген жауапкершілігін сезінгенін және олардың бойында жақсылық жасауға деген құштарлық бар екенін аңғаруға болады.
«Еңбегі адал жас өрен» жобасы аясында ұйымдастырылған «Қамқор» волонтерлік қызметі Шымкент қаласындағы жас ұрпақтың адамгершілігі мен патриотизмін қалыптастыруда маңызды қадам болып табылады. Оқушылар өздерінің еңбекқорлығын, адалдығын көрсетіп, қарттарға көмек көрсетіп, тазалық шараларына қатысып, үлгі боларлық іс жасауда. Бұл шаралар жастардың бойында жоғары адамгершілік қасиеттерін қалыптастыруға, олардың әлеуметтік жауапкершілігін арттыруға бағытталған.
Мектеп ұжымы мен оқушыларының осындай бастамалары болашақта ұрпақ тәрбиесінде үлкен рөл атқаратыны сөзсіз. Оқушылар тек білім алып қана қоймай, сондай-ақ қоғамға пайдалы жұмыстарды да атқарып, адал еңбек пен өзара құрметтің маңыздылығын түсінеді.
Пікір қалдыру