Оңтүстік Қазақстан облысының әкімдігінде өткен кезекті отырыста өңір басшысы Жансейіт Қансейітұлы жастар мәселесін май шаммен қарады. Жиында облыс әкімі бір емес бірнеше мәселені көтерді. Атап айтқанда, өңірде жастардың құқықбұзушылығы мен өзі-өзіне қол жұмсау фактілері көбейіпті. Бұған қарсы арнайы құрылған дағдарыс орталықтарының тиімсіз жүмыс жүргізіп отырғанын да айтып өтті. Сонымен қатар, соңғы кездері өңірдегі жергілікті арналарда жастарға арналған тәрбиелік мәні бар қызықты бағдарламалардың жоқтығында тілге тиек етті. Осы орайда, аталған мекемелер құзырлы органдармен бірлесіп, облыс бойынша жастардың қатысуымен қылмыс көп орын алатын орындардың тізімін жасақтап, қылмыстың алдын алу бойынша нақты шаралар қабылдауы керек. Сонымен қатар, әкім облыстағы барлық телеарналарда аптасына бір рет жастар бағдарламасын ашуды және облыстық жастар саясаты мәселелері жөніндегі басқармасының «Жастар ресурстық орталығы» жанынан жас көшбасшылар мектебі құрылуын жүктеді. Ал, «Серпін-2050» бағдарламасы аясында орта арнаулы оқу орындарына ауыл жастарын тартуды, облыс бойынша құрылысы жүргізіліп жатқан нысандарда тұрғылықты жұмыссыз жастарды тарту бойынша қала, аудан әкімдерімен бірлескен шаралар қабылдауды, барлық мәдениет үйлері мен клубтарда жастарға арналған үйірмелер ашуды міндеттеді.
Ұқсас жаңалықтар
ҚР Парламенті Мəжілісінің депутаты Байділдə Жылқышиев, Кентаулық жастармен кездесті
ҚР Парламенті Мəжілісінің депутаты Байділдə Жылқышиев Кентау қаласына келді. Мəжілісмен адымен қалалық Жастарға қызмет көрсету орталығына ат басын бұрып, кентаулық жастармен кездесті. Кездесуде орталық басшысы Қанат Əбдіəзизұлы алты айда атқарылған жұмыстарын баяндап, өз ұсыныс-пікірін айтты. […]
Түркістан: Мақтааралдағы құрылыс жұмыстарына жергілікті тұрғындар тартылады
Түркістан облысы Мақтаарал ауданында тасқын судан зардап шеккен азаматтарға арнап салынатын тұрғын үйлердің құрылыс жұмыстарына жергілікті тұрғындар тартылып жатыр. Облыс басшысы Өмірзақ Шөкеев аудандағы жұмыссыз жүрген жастарды еңбекпен қамтып, әлеуметтік жағдайын дұрыстауға атсалысу мақсатында осындай […]
Шымкент: Тұрандағы құрылыс қарқынын қала әкімі сынға алды
Шымкент қаласының Тұран шағын ауданында бүгінде 42 көп қабатты тұрғын үйдің құрылысы басталған. Тағы 26 тұрғын үйдің жобасы әзірленіп жатыр. Оның үшінде 16 қабатты 4 үй, 8 қабатты 12 үй, 9 қабатты 15 үй бар. […]
Пікір қалдыру