Қазақтың ұлы ақыны Абайдың 172 жылдығына орай Жетiсай қаласындағы «Абай» гүлзарында жиналған жұртшылық ақынның рухына тағзым етiп, ескерткiшiне гүл шоқтарын қойды. Ақынның өнегелі өмірінен сыр шертіліп, даналығы, рухани асыл мұралары насихатталып, өлеңдері, әсем әндері айтылған әдеби-сазды кешке аудан әкімінің орынбасары Мақсат Жолдасбеков, аудандық Ішкі саясат бөлімінің басшысы Пердеш Есенбеков және ауданның ақын-жазушылары қатысты.«Ахмет Байтұрсынов айтады: «Қазақта бұған дейін де, бұдан кейін де Абай Құнанбаевтай ұлы ақын бола қоймас» — деп. Ақындардың ішінде ең шоқтығы биік Абай атамыз десек артық айтқандық емес. Елбасымыздың «Болашаққа бағдар: рухани жаңғыру» мақаласында еліміздің ұлттық коды болуы керек, мықты ұлт болып ұйысу жолында ескірген әдеттерден арылып, ат төбеліндей қазақ бір-бірін «бауырым» деп сүю керектігі айтылған. Ал, дәл осы мәселені Абай атамыз жүздеген жыл бұрын өзінің қара сөздерінде, өлеңдерінде қозғап, қазақтың бойындағы кейбір керек емес мінездерден арылу керектігі туралы толғаныстарын жазған. Жаңа ғасырда, осындай бейбіт заманда өмір сүріп жатқан мына біздер Абай атамыздың өнегелі өсиеттерінен, еңбектерінен тәлім алып, нәтиже шығаратын кез жетті. Ең алдымен, ол үшін Мұхтар Әуезовтың «Абай жолы» эпопеясын әрбіріміз толық оқып шығуымыз керек. Романды оқыған кез келген адам «Нағыз қазақ қандай болуы керек?» деген сұраққа жауап таба алады. Сондықтан, «Абай жолын» оқыған адамның ең бірінші ниеті өзгереді, ниеті өзгерген соң ойы өзгереді, ойы өзгерген соң сөзі, іс-әрекеті өзгереді, сәйкесінше тағдыры — ұлтымыздың тағдыры жақсы жағына өзгере береді. Міне, осы бағытта рухани жаңғырып, ұлт болып ұйысып, Егеменді еліміздің болашағы үшін үлкен қадамдар жасауға тиістіміз!» — дейді Мақтарал ауданы әкімінің орынбасары Мақсат Жолдасбеков.Айта кетейік, Абай Құнанбаев (1845—1904) — ақын, ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы, саяси қайраткер, либералды білімді исламға таяна отырып, орыс және еуропа мәдениетімен жақындасу арқылы қазақ мәдениетін жаңартуды, жаңғыртуды көздеген реформатор. Абай ақындық шығармаларында қазақ халқының әлеуметтік, қоғамдық, моральдық мәселелерін арқау еткен. Ұлы ақын, ағартушы Абай музыка саласында да көптеген мұра қалдырды. Өзінің өлеңдерін, қара сөздерін қағазға түсіріп, кейінгі ұрпаққа жазып қалдырса, музыка жөнінде оның мұндай мүмкіншілігі болмады. Өйткені, Абай өмір сүрген кезеңде қазақта музыканың жазба мәдениеті жоқ еді, халықтық музыка ауыз дәстүрлік қалыпта сақталып отырды. Сондықтан, Абай әндері де қазақтың басқа халықтық ән-күйлері сияқты, ауыздан ауызға, заманнан заманға ауыса отырып жетті.
Ұқсас жаңалықтар
Мақтаарал ауданында мемлекеттік көрсетілетін қызметтер электронды түрде жүзеге асып келеді
Мақтарал ауданында мемлекеттік көрсетілетін қызметтердің сапасын және электронды түрде көрсетілетін қызметтер үлесін арттыру жөніндегі мәжіліс өтті. Аудан әкімі аппаратының басшысы Б.Тегембаев жүргізен жиынға қала, кенттер, ауылдық округтер әкімдері, аудандық қызмет ұсынушы бөлімдердің басшылары, халықты жұмыспен […]
Мақтааралдықтар мақта зиянкестерімен биологиялық тәсілдер арқылы күресуде
Мақтарал ауданындағы Қазақ мақта шаруашылығы ғылыми-зерттеу институтында мақта көбелегі және өрмекші кенеге қарсы биологиялық және химиялық күрес шараларын ұйымдастыру, үйлестіру жұмыстары бойынша семинар-кеңес өтті. ҚР Ауыл шаруашылығы министрлігі Агроөнеркәсіп кешеніндегі мемлекеттік инспекция комитетінің ОҚО аумақтық […]
ОҚО әкімі: Мақтаралдың тазалығын автовокзалдан бастау керек
Мақтаарал ауданына жасаған жұмыс сапарында облыс әкімі Ж.Түймебаев жоспардан тыс Жетісай қаласындағы автовокзалдың жағдайын көрді. Облыс үшін транспорттық маңызы бар «Атакент» автовокзалында келуші халыққа жағдай жасалмағанын айтқан әкім қала орталығындағы бұл нысан тиісті талапқа сай […]
Пікір қалдыру