Өзбекстан Республикасының Ташкент қаласында екі ел кәсіпкерлерінің қатысуымен қазақ-өзбек бизнес-форумы болып өтті. Көрмеде Оңтүстік Қазақстан облысынан «АтаСтрой» құрылыс компаниясы Сарыағаш ауданындағы Жібек-Жолы шекара бекетін модернизациядан өткізу жобасын таныстырды. Құны 18 млн АҚШ доллары болатын жоба жүзеге асса тәулігіне 30 мың адам емін-еркін екі ел шекарасынан өте алады.Оңтүстік Қазақстан облысы әкімдігі мен Кәсіпкерлер палатасының ұйымдастыруымен Өзбекстан-Қазақстан бизнес-форумына Оңтүстік Қазақстан облысынан өңір басшысы Жансейіт Түймебаев бастаған 150-ден астам мемлекеттік және қаржылық ұйымдар мен кәсіпкерлер қатысты. Бизнес-форум кезінде В2В форматында келіссөздер жүргізіліп, ондағы қатысушылар өзара іс-әрекеттер жақын болашақта өз нәтижесін береріне сенім білдірді.«Өзэкспоорталық» көрме кешенінде өтіп жатқан көрмеге Оңтүстік Қазақстан облысының бірқатар ірі кәсіпорындарының өнімдері қойылды. Атап айтқанда, кілем өнімдерін шығаратын «Бал Текстиль» фабрикасы, ұн және сүт өнімдерін өндіруде көшбасшылардың қатарындағы кәсіпорынның бірі «Алтын Дән» ЖШС-гі, жылына цемент өндіретін «Шымкент цемент» және «Стандарт цемент» зауыттары мен ТМД-да бірінші ашылған вакумдық пробиркалар мен екіжақты ине шығаратын «ЭкоФарм Интернешнл» компаниясы мен терапияның түрлі салаларындағы ауруларды емдеуге арналған 12 фарамацевтикалық топқа жататын генериктік және түпнұсқалық 200-ден астам дәрі-дәрмек шығаратын «Химфарм» зауыты, медициналық жабдықтардың 17 түрін шығаратын «Marai E7 Group» ЖШС-нің өнімдері қойылды.
Ұқсас жаңалықтар
Оңтүстік өнері түркиялық көрерменнің ыстық ықыласына бөленді
Өңірлік коммуникациялар қызметінде Түркияға барып қайтқан өнепаздар баспасөз брифингін берді.«Күні бүгінге дейін күнгей өлкенің мәдениет майшамын маздатып, даңқты елдің дара өнерін республикалық, халықаралық сахна төрінде танытқан әннің дарабоздары, бидің тұсау салдырмас тарландары түркиялық көрерменнің шаттық […]
Халықаралық «Алтын сақа» фестивалінің қонақтары киелі мекендерді аралады
Оңтүстікте өткен халықаралық «Алтын сақа» анимациялық фильмдер фестивалінің қонақтары мен қазылар алқасы жəне қатысушылар Қазақстанның орта ғасырлардағы әйгілі қалаларының бірі саналатын Отырар ауданына сапар шегіп тарихи, киелі орындарды аралады. Бабтардың бабы — Арыстанбаб кесенесіне барып, […]
Оңтүстікте отбасы-тұрмыстық саладағы қылмыстар 5,9 пайызға төмендеген
Оңтүстік Қазақстан облысында тұрмыста жасалған қылмыстардың алдын алу мақсатында «Тұрмыс» жедел-профилактикалық іс-шарасы өтті. Сондай-ақ «Отбасындағы зорлық-зомбылықсыз Қазақстан» пилоттық жобасы аясында акциялар ұйымдастырылды. Нәтижесінде отбасы-тұрмыстық саладағы қылмыстар 5,9 пайызға төмендеді. Бүгін бұл туралы ОҚО өңірлік коммуникациялар […]
Пікір қалдыру