Шардара ауданындағы Жаушықұм ауылында тамшылатып суару әдісімен 370 гектар жерге күнбағыс еккен. «ИІРЖАРАГРО» жауапкершілігі шектеулі серіктестігі шаруа қожалығы қазіргі таңда жиын-терімді бастады. Қожалық түркиялық инвесторлармен бірге бес жүз гектар егістік алқабын игеріп отыр. Биыл үш жүз жетпіс гектарына күнбағыс егіп, оны тамшылатып суару әдісімен өсірген. Бұдан бөлек, шаруақожалық басшылығы 100 гектардан астам аумаққа картоп егуді жоспарлап отыр. Қазіргі таңда он бір адамды тұрақты жұмыспен қамтыса, жұмыс ауқымына байланысты жиырма, отыз адамға дейін жұмыс істейді. Қожалықта жиырма үш ауылшаруашылығы техникасы бар. Серіктестік күнбағыс өнімін Қытай халық республикасы, Түркия, Әзірбайжан республикасы елдері мен ішкі нарыққа өткізуді жоспарлап отыр.
«Алдағы уақытта мемлекеттің қолдауы аясында шаруақожалықты дамытып, зауыт ашуға да ниеттіміз. Бұл тамшылатып суару — дүниежүзі бойынша су тапшылығының алдын алатын және өнімділікті көбейтетін әдіс деп білемін.»- дейді шаруақожалық өкілі Оразалы Шыршықбаев.
Пікір қалдыру