Ғалымдардың деректері бойынша жасыл белдеудің екпелері 30 пайызға дейін шаң-тозаңды, сондай-ақ ауадағы көптеген зиянды химиялық заттарды өз бойына сіңіріп, қоршаған ортаны сауықтыруға үлкен әсерін тигізеді. Сондықтан да орман алқаптарын сақтау және оларды көбету, күтіп-баптау бұл қоршаған ортаға ғана жасалған қамқорлық емес сонымен қатар бұл адамзаттың өзіне жасалған қамқорлық. Қазір Қазақстан экологиялық проблемаларға баса назар аударып, ел аумағында орман қоры мен жасыл белдеулерді ұлғайтуды көздеп отыр. Бұл «Жасыл Қазақстан» ұлттық жобасында да айтылған тапсырма. Ежелден жасыл желегі жайқалған Шымкент қаласы көгалдандыру жұмыстары десе алдына жан салмайтын өңірлердің бірі. Ыстық климатына қарамастан қала тұрғынларына сая болып келе жатқан шаһар алдағы күндері жасыл белдеуі мен орманы қоры ұлғайған кенттің біріне айналмақ.
«ТАЗА ҚАЗАҚСТАН» экологиялық тазалық акциясы аясында Әл-Фараби ауданы аумағында сенбілік ұйымдастырылды. Ауқымды сенбілікке белсенді жастар, еріктілер, кәсіпкерлер, аудан тұрғындары, қызметкерлер қатысып, ат салысты. Іс-шара барысында иригациялық жүйелерді, көше бойын, аулаларды тазалау жұмыстары жүргізілді. Жалпы санитарлық тазалық іс-шарасына 20 арнайы техника, 15-мыңға жуық адам жұмылдырылып, 47 тонна қоқыс шығарылды.
Құрметті аудан тұрғындары!
Табиғаттың тынысын ашып, қоршаған ортаны, тұратын ауламызды шаңынан қағып алатын сенбілік жұмыстарының маңызы зор.
– «Тазалық – табалдырықтан басталады» демекші, қоршаған ортаның тазалығына жауапкершілікпен қарау – әрбір азаматтың басты міндеті. Тазалықты жанына серік еткен тұрғындар ерекше белсенділік танытуда. Қаламыздың тазалығын сақтау – барлық тұрғындардың парызы. Қоршаған ортаны ластауға жол бермей, тұрмыстық мәдениетті ұстануға шақырамыз. Жанға рахат, көңілге шаттық сыйлайтын тазалық шараларына алдағы уақытта да аудан тұрғындары белсене қатысса, нұр үстіне нұр болар еді, – дейді Әл-Фараби ауданы әкімінің орынбасары Марат Тәжібаев.
Қаламыздың тазалығын сақтау – барлық тұрғындардың парызы. Қоршаған ортаны ластауға жол бермей, тұрмыстық мәдениетті ұстануға шақырамыз!Табиғаттың сақталуы – келешек ұрпақтың қолында. Ал, жасыл орманның пайдалы қасиеттері айтпаса да белгілі. Сондықтан, Шымкент шаһарын жасыл желектендіру мақсатында жыл сайын елді мекендердің көшелері мен аулаларына ағаштар отырғызылып келеді. Бұл игі бастама алдағы уақытта да жалғасын таба бермек. Орман күзету, қорғау шаралары ешуақытта тоқтамақ емес. Қоршаған ортаны қорғау – ортақ міндетіміз.
Пікір қалдыру