Мақтарал ауданында ҚР Бас прокуратурасының «Отбасылық зорлық-зомбылықсыз Қазақстан» атты пилоттық жобасын жүзеге асыру мақсатында аудандық «Жастар ресурстық орталығы» КММ-нің жанынан әлеуметтік-психологиялық сүйемелдеу орталығы ашылды. Лента қию рәсіміне Мақтарал ауданы әкімінің орынбасары Алтын Ешанқұлова, аудан прокурорының міндетін атқарушы Айтболат Досаев қатысты.Президентіміз Н.Ә.Назарбаев «Болашаққа бағдар: рухани жаңғыру» атты мақаласында «отбасылық құндылықтар» жайлы айтып өтеді. Яғни, мемлекеттің көптеген отбасылардан тұратыны, отбасылық құндылықтар жақсы сақталған сайын мемлекетіміздің бірлігі де нығая беретіні белгілі. Әлеуметтік-психологиялық сүйемелдеу орталықтарының көптеп ашылуы — рухани жаңғырып жатқан еліміздің еңсесін тік көтертіп, халқымыздың ынтымағын арттыра бермек.«Статистика бойынша отбасылық зорлық-зомбылыққа көбінесе 40 жасқа дейінгі әйелдер ұшырайтыны белгілі болып отыр. Ашылып жатқан орталықтың түпкі мақсаты психологтардың көмегіне жүгіне отырып зорлық-зомбылық орын алып жатқан отбасының ішіне араша түсу, оларды сөзге келістіріп татуластыру, жалпы отбасы шеңберінде орын алған құқық бұзушылықтың қайталануына жол бермеу» — деді А.Ешанқұлова. Оның айтуынша, қазіргідей заманда әйел теңдігі мәселесі әлі де бар, қамқорлықты қажет ететін нәзік жандылардың құқығын қорғап, оларға демеу болу — кез келген дамыған елде басты мәселе саналады екен. Әйелдерді зорлық-зомбылықтан қорғау мақсатында көмек сұрап келгендердің санына мониторинг жүргізу, олардың барлығымен дерлік әңгіме жүргізіліп, психологиялық көмек көрсету — әлеуметтік-психологиялық сүйемелдеу орталығының басты мақсаты болмақ. Ең бастысы, ажырасудың саны көбейіп жатқан бүгінгі уақытта ең болмағанда бір отбасының шаңырағының шайқалмауын сақтап қалса — орталық өз нәтижесін көрсетті деген сөз.
Ұқсас жаңалықтар
Мақтааралдық кісіпкер өз аулына қақпа салды
Мақтарал ауданы Жаңажол ауылдық округіне қарасты Өргебас ауылында «Есен» шаруа қожалығының демеушілігімен қақпа тұрғызылды. Бүгінде жергілікті жəне Республикалық арналар мен ақпараттық агенттіктер, газеттер жарыса жазып жатқан М-39 «Ташкент-Термез» бағытындағы халықаралық транзит дәлізінің бойында орналасқан ауыл […]
Мақтааралда «Ұлт аралық татулық — тұрақтылық кепілі» тақырыбында жиын өтті
Бүгін, Мақтаарал ауданындағы Ералиев ауылдық округіне қарасты «Дәуір» және «Қастеев» жалпы орта мектептерінде жоғарғы сынып оқушылары және ауыл тұрғындары арасында «Ұлт аралық татулық — тұрақтылық кепілі» тақырыбында және жастар арасында тәртіп пен тәрбиені насихаттау мақсатында […]
Мақтааралдық оқушылар Елордамыздың көрікті жерлерін көріп қайтты
Астанадағы «ЭКСПО-2017» көрмесіне Мақтаарал ауданынан барған оқушылары «Бәйтерек», «ҚР Ұлттық мұражайы», «Думан» ойын-сауық орталықтарына барып, Астана қаласының ең көрікте жерлерін аралады. Балаларын сағынып, оларды құшақ жая қарсы алған ата-аналар аудан әкімі Ғ.Исмаиловқа өз алғыстарын жеткізді. […]
Пікір қалдыру