Ордабасы ауданында кәсіпкерлер тәжірбиесімен бөлісті

Ордабасы аудандық ауыл шаруашылық бөлімі мен Бөржар ауыл округі әкімшілігінің ұйымдастыруымен, «Александровский сад» жауапкершілігі шектеулі серіктестігі мен «Alma Ata Teknik Tarim San. ve Tik LTD» компаниясы басшыларының қатысуымен «Өнеркәсіптік негізде қарқынды алма бау мен сүйекті жемістерді өсірудің болашағы мен даму жолдары» тақырыбында семинар өтті, деп хабарлайды Күнгей.kz ақпарат агенттігі аудан әкімдігінің баспасөз қызметіне сілтеме жасап.

Семинарға қатысушылар алдымен қарқынды бау жұмысын жүйеге қойып үлгерген «Александровский сад» ЖШС өнімдерінің көрмесін тамашалап, жемістерінің дәмін татты. Серіктестік төрағасы Бахтияр Тағаев баудың бүгінгі ахуалы жөнінде баяндап, қарқынды бау өсірудің тиімділігін тілге тиек етті. «Александровский сад» жауапкершілігі шектеулі серіктестігі 17 гектар жерге жаңа технологиямен тамшылатып суғару әдісімен бау егуді 2016 жылдан бері жүзеге асырып келеді. Жобаға «ҚазАгроҚаржы»АҚ арқылы 104 млн. 719 мың теңге бөлінген. Өндіріс қуаттылығы жылына 6000 тоннаны құрайды. Бүгінгі таңда мұнда 30 адам жұмыспен қамтылған. Сонымен қатар, тамшылатып суғару бойынша егіс алаңын ұлғайту мақсатында биылғы жылы жалпы инвестициялық құны 1,5 млн. тг құрайтын «2 гектар жерге 200 дана жаңғақ көшетін отырғызу» жобасын қолға алды

Бірінші болып пікір қалдырыңыз

Пікір қалдыру

Сіздің эл.почтаңыз сайтқа ашық жарияланатын болмайды.


*