Облыс әкімінің орынбасары М.Мырзалиевтің тапсырмасымен Түркістан облысының кәсіпкерлік және сауда басқармасы, Түркістан облысының мемлекеттік кірістер департаменті, Түркістан қаласы мемлекеттік кірістер басқармасы, «Альфа банк» АҚ Түркістан облысы бойынша еншілес ұйымының қызметкерлерінің қатысуымен «Бизнесті көлеңкеден шығару, шағын және орта бизнестің өнім шығару көлемін ұлғайту» іс-шарасы аясында Түркістан қаласындағы «Қуаныш» базарында сауда субъектілеріне бақылау-кассалық машинасын орнату және қолма-қол ақшасыз төлем аппараттарын (терминал) орнату жөнінде түсіндіру жұмыстары жүргізілді.
Мамандар кәсіпкерлерге белгілі салық төлеушілер санатын қоспағанда ҚР аумағында ақшалай есептесу міндетті түрде бақылау-кассалық машиналарды қолдану түрімен жүргізілуі тиіс екендігін түсіндірді.
Бақылау-кассалық құрылғылардың чегін бермеу табысты жасыруға, тиісті салықтардың төленбеуіне алып келіп, нәтижесінде жалпы көлеңкелі экономика көлемінің өсуіне әкеледі. Осы ретте бақылау-кассалық машиналардың тауарлық чегін бермеу, тауарлық чекті тауар сомасынан артық немесе кем көрсету әкімшілік жауапкершілікке соқтыратындығы ескертілді.
Кәсіпкерлер өздерінің тарапынан заң талаптарын түсінетіндігін жеткізіп, ұялы телефонмен электронды төлем қабылдау бағдарламалары бойынша сұрақтар қойып қызығушылық танытты.
Айта кетейік, «Қуаныш» базарының ішінде арнайы бекет ашылып, онда мемлекеттік кіріс департаментінен 1 қызметкер, халыққа қызмет көрсету орталығынан 1 қызметкер және «Қазпочта» АҚ 1 қызметкер тұрақты түрде өздерінің қызметтерін көрсетуде.
Облыс орталығында жасөспірімдер арасында түрлі дәрежедегі спорттық сайыстар жүйелі ұйымдастырылуда. Жарыс қалалық Балалар мен жасөспірімдер спорт клубының ұйымдастыруымен жасалды. Кезекті қала біріншілігі жасөспірімдер арасында гандболдан өтті. Екі күнге созылған жарыста 11-13 жас аралығындағы спортшылар қатысты. […]
Түркістан қаласында балалар мен жастар үшін зор мүмкіндіктер ашылуда. Қалада жақын арада Қолөнершілер орталығы іске қосылады. Бұл бастама Түркістанның Дүниежүзілік қолөнершілер кеңесінің (World Craft Council) шешімімен «Қолөнершілер қаласы» мәртебесіне ие болуымен тығыз байланысты. Енді түркістандық […]
Жаңа қала аумағында физика, химия, биология және робототехника кабинеттері заманауи үлгіде жабдықталған 4 қабатты ғаламат мектеп ашылды. Білім алушылардың жан-жақты дамуына барлық жағдай жасалған «Жайлы мектептің» салтанатты ашылуы 25 қазан – Республика күні қарсаңында ұйымдастырылып, […]
Пікір қалдыру