ШЫМКЕНТТЕ ТҰРҒЫН ҮЙЛЕРДІ ДЕЗИНФЕКЦИЯЛАУ ЖҰМЫСТАРЫ КҮШЕЙТІЛДІ

Шымкент қаласы тұрғындарының өмірін және денсаулығын қорғау, коронавирус инфекциясының таралуына жол бермеу мақсатында, шаһардағы қоғамдық орындар мен көшелер, тұрғын үйлердің аулалары тұрақты түрде дезинфекциялануда — деп хабарлайды «Күнгей.kz» ақпарат агенттігі.
Бүгін шаһарды залалсыздандыру жұмыстары Әл-Фараби ауданы аумағындағы Ахмет Байтұрсынов, К.Тоқаев, Ғани Иляев, Тәуке хан, Түркістан, Т.Әлімқұлов, Т.Орынбаев, Ілияс Есенберлин көшелерінің бойында орналасқан көпқабатты тұрғын үйлердің аулалары мен кіреберістеріне жүргізілді.  Айта кету қажет, аталған жұмыстар кестеге сәйкес, күнделікті жалғасып жатыр. Сонымен қатар, залалсыздандыру жұмыстары қаламыздың Абай, Қаратау, Еңбекші аудандарында да жүріп жатыр. Қазіргі таңда залалсыздандыру жұмыстарына арнайы мекеме қызметкерлерімен қатар әскерилер де тартылған. Бүгінде олар жоғары да айтылған көшелерден өзге адамдар көп шоғырланатын қоғамдық орындар мен саябақтар да, арнайы демалыс орындар да тазалық жұмыстыран жүргізуде.
Шымкент қаласы төтенше жағдай жөніндегі штабы
Ішкі Саясат Басқармасы Шымкент
Шымкент Ақпараттық Коммуникациялық Орталық

Бірінші болып пікір қалдырыңыз

Пікір қалдыру

Сіздің эл.почтаңыз сайтқа ашық жарияланатын болмайды.


*