Шымкент қаласында 277 556 азаматқа әлеуметтік көмек тағайындалды. Бүгінгі таңға дейін, яғни 2 мамыр, сағат 9-дағы мәлімет бойынша Шымкент қаласынан төтенше жағдай кезеңінде әлеуметтік төлемді алу үшін арнайы портал, сайттардан 534 493 адамнан өтініш түскен. Өтінімдерді құзырлы органдар қызметкерлері саралап шыққан. Төтенше жағдай кезеңінде әлеуметтік төлемді алу үшін өтінім берген 534 493 азаматтың жартысынан астамының өтініші қанағаттандырылған.
Оның ішінде 277 556 адамға әлеуметтік төлем тағайындалған болса, 252 806 азаматтың өтініші бойынша оларға әлеуметтік төлем тағайындалмайтындығы анықталып, кері қайтарылған.
Жалпы әлеуметтік төлем алатын 277 556 азаматтың ішінде 264 774 өтініштер бойынша, ал, 12 782-сіне проактивті (атаулы әлеуметтік алушылар және бірыңғай жиынтық төлем жасаған азаматтар) түрде тағайындалды. Бүгінге дейін 265 552 азаматқа 42500 теңгеден әлеуметтік көмек банк карталарына аударылған.
Айта кету керек, кері қайтарылып, көмек тағайындалмаған өтініштер – бірнеше рет қайталанған, жұмыс істейтін азаматтардан, зейнеткерлерден, қайтыс болған азаматтар атынан да түскен.
Шымкент қаласы төтенше жағдай жөніндегі штабы
Пікір қалдыру