Шымкенттегі Орталық саябақта 25 қазан – Республика күніне орай «Fitness park kz» жобасы аясында «Салауатты отбасы – салауатты қоғам» атты отбасылық сайыс өтті.
Шымкент қаласының ішкі саясат және жастар істері жөніндегі басқармасының ұйымдастыруымен өткен сайысқа қала тұрғындары арасынан он команда қатысып, өзара бақ сынасты. ⠀
⠀
— Қимыл мен ептілікті жетілдіретін спорттық жарысқа «Достық», «Жігер», «Қазақ арландары», «Әскер», «Жалын», «Заңғар», «Алаш», «Алау», «Арыстан», «Бірлік» тобынан құралған жанұя қатысты. Талап бойынша бір топта төрт адам болды. Сайыс – шармен секіру, су тасу, кір қыстырғыш жинау, жұмыртқаны жарып алма, көңілді доптар, қаппен секіру, орныңнан тұрып ұзындыққа секіру ойындарынан құралған. Тапқырлық танытып, ептілік көрсете білген команданы қазылар алқасы бағалады, – деді Жастар ресурстық орталығының Әл-Фараби ауданындағы бөлім басшысы Қайыржан Бөгенбай. ⠀
⠀
Байқаудың қорындысы бойынша «Қазақ арландары» командасы жеңімпаз атанып, жүз мың теңгелік сыйлыққа ие болды. Екінші орынды «Достық» жанұясы алса, үшінші орын «Арыстан» тобына бұйырды. Одан бөлек, барлық команда арнайы дипломмен және бағалы сыйлықтармен марапатталды.
Айта кетейік, дәл осындай сайыстар тек денсаулыққа оң әсерін беріп қоймай, бірлік пен татулықтың көрінісін береді. Отбасы институтын қалыптастыру, отбасылық құндылықтарды жаңғырту, жас отбасылардың қоғамдағы рөлін арттыру қоғамның реттілікпен қалыптасуына үлкен септігін тигізеді.
Қытай елінің Ханчжоу қаласында 2023 жылдың 23 қыркүйек пен 8 қазан аралығында өткен ХІХ жазғы Азия Ойындарына жалпы 40 спорт түрінен 46 мемлекеттің спортшылары қатысты. Ханчжоу-2022 ХІХ жазғы Азия ойындары жүлдегерлері арасында Шымкенттік спортшылар да […]
Мақтааралда ардагерлер арасында кіші футболдан облыстық жарыс өтті, деп хабарлайды Мақтаарал ауданы әкімінің баспасөз қызметі. Қазақстан Республикасы Конституциясына 23 жыл толкына орай Мақтарала ауданы, Атакент кентінің «Алпамыс батыр» стадионында 50 жастан асқан ардагер спортшылар арасында […]
Аспан асты елінен тағы да ақжолтай хабар жетті. Жастайынан спортты жанына жалау еткен Шымкенттік спортшы ел қоржынына оныншы алтынды салды. WKF каратэден Ұлттық құрама көшбасшысы Софья Берульцева Ханчжоуда өтіп жатқан жазғы Азия ойындарында қарсылас шақ […]
Пікір қалдыру