Республикалық «Таза Қазақстан» акциясы аясына белсене қатысқан Жаңа ауыл ауылдық округінің тұрғындары санитарлық жұмыстарын жыл соңына дейін үздіксіз жалғастыратынын айтады.
Округке қарасты Мырзашөл елді мекенінде өткен бүгінгі сенбілік жұмыстарына 300-ге тарта адам мен 7 техника жұмылдырылып, жол бойлары мен гүлзарлар, тарихи ескерткіштердің аумағы шөптерден, қураған ағаштардан тазаланып, көшелер мен арық-атыздардан 30 тонна күл-қоқыс шығарылды.
«Қоршаған ортаны таза ұстау – әр азаматтың парызы. Осы орайда, ауданның барлық тұрғындарын тазалықты сақтауға және табиғатты қорғауға өз үлестерін қосуға шақырамыз. Сенбілік тек белгіленген күндері ғана емес, күнделікті жүргізіліп тұруы керек. Ол үшін әрбіріміз өз ауламызды, үйіргелік жерлерімізді таза ұстауымыз керек» дейді Жетісай аудандық мәслихатының депутаты Қаршыға Ақтөреева.
Мырзашөл елді мекенінде өткен бүгінгі туған жерді түрлендіріп-көгалдандыру, санитарлық тазалықты сақтау ісіне тек мемлекеттік мекеме қызметкерлері мен жергілікті тұрғындар ғана емес, округтен сайланған аудандық мәслихаттың депутаттары мен шекара шебін күзеткен сарбаздар да белсене қатысты.
«Туған елді, жерді түлету – тапсырма емес, жүрегі елім деп соғатын әрбір азаматтың ортақ міндеті, парызы екенін ұмытпағанымыз абзал» дейді халық қалаулылары.
Өзіміз өмір сүретін ортаның тазалығын сақтау – бірінші кезекте өзіміз үшін, сонымен қатар, айналамызда мекен еткен әрбір тіршілік иесі үшін аса маңызды.
Жергілікті тұрғындар арасында санитарлық тазалықтың сақталуының дені сау ұрпақ өсірудегі маңыздылығы мен қажеттілігін ұғындыруды мақсат еткен Мақталы ауылдық округіне қарасты Шолпанқұдық елді мекенінің тұрғындары бүгін ауқымды сенбілік өткізді.
Санитарлық тазалық жұмыстары барысында қатысушылар елді мекен шегіндегі ішкі жолдар мен арық-атыздардың бойын, үйіргелік жерлері мен аулаларын ретсіз тасталған тұрмыстық қатты қалдықтардан, шөптерден, қураған ағаштардан тазартты.
«Мемлекет басшысының бастамасымен қолға алынған «Таза Қазақстан» акциясын тек белгіленген мерзім аралығында ғана емес, жыл бойы жалғастыруды аудан басшысы қала, кент, ауылдық округ әкімдеріне тапсырған болатын.
Тапсырма жергілікті тұрғындар тарапынан да үлкен қолдау тауып, тазалық жұмыстарын күнделікті жүргізіп келеміз» дейді Мақталы ауылдық округінің әкімі Мейрамбек Абдумажитов.
Айта кетейік, аталмыш сенбілікке 80-нен астам мемлекеттік және квазимемлекеттік мекеме қызметкерлері, жергілікті тұрғын, 5 техника қатысып, 23 тонна қоқыс шығарылды.
Ұлттық спортты дамыту – жас буынның тарихи санасын жаңғыртудың тиімді әрі нәтижелі жолы. Тарихи сана қалыптаспайынша мемлекетшілдік сананың орнықпайтынын, ал, тарихи сананың тұғыры ұлттық болмыстан бастау алатынын жақсы білетін Жетісай ауданының әкімі Серік Мамытовтың қолдауымен […]
Жаңа ауыл ауылдық округі аумағында орналасқан кәріз тазарту жүйесінен (КОС) шығатын жағымсыз иіс бойынша «Жетісай су» МКК тарапынан кәріз жүйелері тазартылып, Жаңа ауыл, Қарой, Ынтымақ, Атақоныс ауылдарының ауыз суының құрылысы өндірістік кестеге сәйкес жүргізілуде. 2025 […]
Шымкентте кезекті «Таза Қазақстан» республикалық экологиялық бағдарламасы аясында кең ауқымды тазалық іс-шарасы өтті. Бұл бағдарлама Мемлекет басшысының бастамасымен қолға алынған және халықтың экологиялық мәдениетін көтеруге, жастарды Отаншылдық рухында тәрбиелеуге, сондай-ақ ел мен жерге деген жанашырлық […]
Пікір қалдыру