«Таза Қазақстан» республикалық апталық акциясы аясында Еңбекші ауданына қарасты Қаратөбе тұрғын алабы, Жұлдыз аумағы, Қапал батыр көшесі бойында тазалық жұмыстары жалғасын тапты.
Экоакцияға «AMANAT» партиясы Шымкент қалалық филиалының Атқарушы хатшысы Мұрат Жолдыхожаев, мәслихат депутаттары, фракция мүшелері ардагерлер, белгілі спорт шеберлері, жергілікті тұрғындар қатысты. Сондай-ақ партия қызметкерлері, қалалық «Жастар Рухы» ЖҚ белсенділері, «Jasyl el» еңбек жасағы және бастауыш партия ұйымдары белсенділік танытты.
Тазалықтың денсаулыққа қаншалықты пайдасы бар екені әлемді шарпыған індетпен күресте айқын білінді. Бірақ, осыны біле тұра табалдырықтан басталатын тазалықты өзімізді қоршаған ортада сақтай бермейміз.
Қала ажарын тек сәулетті ғимараттары мен көрікті гүлзарлары ашпайды, сонымен бірге көрер көзге ерекше әсер беретін тазалығы да ашатынын естен шығармайық.
Иә, тазалық әр ауладан, әр отбасынан басталады. Егер әркім өз ауласын таза ұстап, жүрер жолын түрлі қоқыс-қалдықтардан тазартып жүрсе, сөз жоқ, оның нәтижесі қоршаған ортаға да оң әсер етеді. Керісінше, кішкентай қоқысқа немкеттілеу қарап, алып тастауға ерінетін болсақ, бір айналып келгенде әлгі жер құйын аралап кеткендай ыбырсып жатады. Демек, сіздің өз қалаңыздың тазалығына бөлген кішкентай көңіліңіздің өзі үлкен роль атқарады.
«AMANAT» партиясының бастамасымен жүзеге асып жатқан «Таза бейсенбі» экологиялық акциясы тұрақты негізде, апта сайын, еліміздің барлық өңірінде жалғасып, жұртшылықты изгілікті іске жұмылдырған халықтық жобаға айналды. Мемлекет басшысының «Таза Қазақстан» жалпыұлттық экологиялық акциясына қолдау білдірген аманаттықтар, осылайша туған жеріміздің экожүйесін қалпына келтіруге үлестерін қосып қана қоймай, қоғамның табиғатқа деген жанашырлығын оятуға, өзіміз өмір сүретін ортаның тазалығын қамтуға тәлім алар өнегесін көрсетуде.
Шымкентте экологиялық шара “Киелі мекен” тақырыбы аясында өтіп жатыр. Акция барысында үшінші мегаполистегі тарихи орындар тазартылды. Шараға қаладағы 5 ауданға қарасты коммуналдық мекеме қызметкерлері мен Жастар ресурстық орталығының белсенділері атсалысты. Олар Қаратау ауданына қарасты Сайрам […]
Шымкент қаласындағы Абай ауданында дезинфекциялау жұмыстары қарқынды жүріп жатыр. Бүгінге дейін аудандағы 31 шағынаудан мен тұрғын алабындағы 582 көше дәрілеу жұмыстарынан өтті. Айта кету қажет, бұл жұмыстарға 8 арнайы техника мен 130 әскери қызметші жұмылдырылып […]
Шымкент қаласында күз маусымында тазалық жұмыстары жүйелі түрде жүргізілуде. Қаладағы көп қабатты тұрғын үйлердің аулаларында, жеке секторларда санитарлық тазалау, қураған жапырақтар мен ағаш бұталарын жинау және басқа да қоқыстарды шығару жұмыстары тұрақты түрде ұйымдастырылып, жоспарға […]
Пікір қалдыру